മാറ്റമില്ല, ഇന്ത്യന്‍ 2വില്‍ കാജല്‍ അഗര്‍വാള്‍ തന്നെ നായിക; ഷൂട്ടിങ് ഉടന്‍ പുനരാരംഭിക്കും
എന്റര്‍ടെയിന്‍മെന്റ് ഡെസ്‌ക്
Friday, 5th August 2022, 9:22 am
ഇന്ത്യന്‍ സിനിമാ പ്രേമികള്‍ പ്രതിക്ഷയോടെ കാത്തിരിക്കുന്ന ചിത്രമാണ് ശങ്കര്‍-കമല്‍ഹാസന്‍ കോമ്പോ ഒന്നിക്കുന്ന ഇന്ത്യന്‍ 2. 1996ല്‍ പുറത്തുവന്ന ഇന്ത്യന്റെ രണ്ടാം ഭാഗമായി ഒരുങ്ങുന്ന ചിത്രത്തില്‍ വമ്പന്‍ താരനിരയാണ് അണിനിരക്കുന്നത്.
ചിത്രത്തിന്റെ ഷൂട്ടിങ് ആരംഭിച്ചിരുന്നു, പക്ഷെ സെറ്റില്‍ നടന്ന അപകടവും നിര്‍മാണ കമ്പനിയുടെ പ്രശ്‌നങ്ങളും കാരണം ചിത്രം മുന്നോട്ട് പോയിരുന്നില്ല. കാജല്‍ അഗര്‍വാളായിരുന്നു ചിത്രത്തിലെ നായിക. എന്നാല്‍ ചിത്രത്തില്‍ നിന്നും താരം പിന്മാറിയെന്നും ദീപിക പദുകോണ്‍ ചിത്രത്തില്‍ നായികയായി എത്തുമെന്നും അടുത്തിടെ അഭ്യുഹങ്ങള്‍ പ്രചരിച്ചിരുന്നു.
ഇപ്പോഴിതാ ഈ അഭ്യുഹങ്ങളെയൊക്കെ തള്ളിക്കളഞ്ഞ് കാജല്‍ തന്നെ ഇന്ത്യന്‍ 2ലെ ഷൂട്ടിങ്ങ് സൈറ്റിലേക്ക് തിരികെ പോകുമെന്ന് പറഞ്ഞിരിക്കുകയാണ്.
