വാഷിങ്ടണ്‍: സ്വയം പ്രഖ്യാപിത ആള്‍ദൈവമായ നിത്യാനന്ദയുടെ സാങ്കല്‍പിക രാജ്യമായ യുണൈറ്റഡ് സ്റ്റേറ്റ് ഓഫ് കൈലാസയുമായി 30 അമേരിക്കന്‍ രാജ്യങ്ങള്‍ സാസ്‌കാരിക പങ്കാളിത്തത്തിന് കരാറൊപ്പിട്ടെന്ന റിപ്പോര്‍ട്ടുമായി ഫോക്‌സ് ന്യൂസ്. സഹോദര നഗര കരാര്‍ എന്നാണ് കരാറിന് പേരിട്ടിരിക്കുന്നത്.
നേരത്തെ കൈലാസയുമായി ഉണ്ടാക്കിയ സഹോദര നഗര കരാര്‍ അമേരിക്കന്‍ കമ്പനിയായ നെവാര്‍ക്ക് റദ്ദാക്കിയിരുന്നു. കൈലാസയുമായി കരാര്‍ ഉണ്ടാക്കാനുള്ള തീരുമാനം തെറ്റായിരുന്നുവെന്നും പിന്‍വലിക്കുകയാണെന്നുമാണ് അധികൃതര്‍ അറിയിച്ചത്.
Press Note: Kailasa Establishes Sister City Relationships for Humanitarian Services and Global Peace
Kailasa is the revival of the ancient enlightened Hindu civilizational nation.
Organizations representing Kailasa, have established sister city relationships with many cities… https://t.co/37lBA1KBno pic.twitter.com/gYitUBRWTK— KAILASA’s SPH Nithyananda (@SriNithyananda) March 17, 2023
എന്നാലിപ്പോള്‍ 30 നഗരങ്ങള്‍ കരാറിലൊപ്പിട്ടിട്ടുണ്ടെന്ന റിപ്പോര്‍ട്ടാണ് പുറത്ത് വരുന്നത്.
റിച്ച്‌മോണ്ട്, വെര്‍ജീനിയ, ഒഹിയോ, ബ്യൂണ പാര്‍ക്ക, ഫ്‌ളോറിഡ തുടങ്ങിയ നഗരങ്ങളാണ് കരാറില്‍ ഒപ്പുവെച്ചിരിക്കുന്നത്.
നിത്യാനന്ദ ഒരുപാട് പേരെ കബളിപ്പിച്ചിട്ടുണ്ടെന്ന് പറഞ്ഞാണ് ഫോക്‌സ് ന്യൂസ് റിപ്പോര്‍ട്ട് പങ്കുവെച്ചിരിക്കുന്നത്. കരാറുമായി ഒപ്പ് വെച്ച ചില നഗരങ്ങളില്‍ അധികൃതരുടെ അഭിപ്രായം അറിയാന്‍ വേണ്ടി തങ്ങള്‍ പോയിട്ടുണ്ടെന്നും ഫോക്‌സ് ന്യൂസ് പറയുന്നു.
