കാബൂള്‍ യൂണിവേഴ്‌സിറ്റിയില്‍ ഭീകരാക്രമണം; 19 വിദ്യാര്‍ത്ഥികള്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Monday, 2nd November 2020, 11:02 pm
കാബൂള്‍: അഫ്ഗാനിസ്താനിലെ കാബൂള്‍ യൂണിവേഴ്‌സിറ്റിയില്‍ 19 വിദ്യാര്‍ത്ഥികള്‍ വെടിയേറ്റ് മരിച്ചു. ഐ.എസിന്റെ പ്രാദേശിക ശാഖ ആക്രമണത്തിന്റെ ഉത്തരവാദിത്തം ഏറ്റെടുത്തു. സുരക്ഷാ ഉദ്യോഗസ്ഥരുമായുള്ള ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെടുകയും ചെയ്തു.
കൊല്ലപ്പെട്ട വിദ്യാര്‍ത്ഥികളില്‍ പത്ത് പെണ്‍കുട്ടികള്‍ ഉള്‍പ്പെട്ടിട്ടുണ്ട്. 22 പേര്‍ക്ക് ആക്രമണത്തില്‍ പരിക്ക് പറ്റിയിട്ടുണ്ട്. മതവിശ്വാസമില്ലാത്ത ഒരു സര്‍ക്കാരിനായി പ്രവര്‍ത്തിക്കുന്നവര്‍ക്കെതിരായാണ് ആക്രമണമെന്നാണ് ഐ.എസ് ടെലഗ്രാമില്‍ ഇറക്കിയ പ്രസ്താവനയില്‍ പറയുന്നത്.
