പാംപ്ലാനിയെ സി.പി.ഐ.എം വളഞ്ഞിട്ട് അക്രമിക്കുന്നു; അദ്ദേഹം പറഞ്ഞത് കൊള്ളേണ്ടിടത്ത് കൊണ്ടു: കെ. സുധാകരന്‍
ഡൂള്‍ന്യൂസ് ഡെസ്‌ക്
Monday, 22nd May 2023, 7:14 pm
തിരുവനന്തപുരം: രക്തസാക്ഷികള്‍ക്കെതിരായ വിവാദ പരാമര്‍ശത്തില്‍ തലശ്ശേരി ആര്‍ച്ച് ബിഷപ്പ് മാര്‍ ജോസഫ് പാംപ്ലാനിയെ പിന്തുണച്ച് കെ.പി.സി.സി പ്രസിഡന്റ് കെ. സുധാകരന്‍ എം.പി. യാഥാര്‍ത്ഥ്യം തുറന്നുപറഞ്ഞതിന് പാംപ്ലാനിയെ സി.പി.ഐ.എം വളഞ്ഞിട്ട് ആക്രമിക്കുകയാണെന്ന് സുധാകരന്‍ പ്രസ്താവനയില്‍ പറഞ്ഞു.
കണ്ണൂരില്‍ സി.പി.ഐ.എം രക്തസാക്ഷികളെ കൊണ്ടുവരുന്നതിനെക്കുറിച്ചാണ് പാപ്ലാനി പറഞ്ഞതെന്നും ആര്‍ച്ച് ബിഷപ്പിന്റെ പ്രസ്താവന കൊള്ളേണ്ടിടത്ത് കൊണ്ടതുകൊണ്ടാണ് അക്രമണമെന്നും അദ്ദേഹം കൂട്ടിച്ചേര്‍ത്തു.
‘യാഥാര്‍ത്ഥ്യം തുറന്നു പറഞ്ഞതിന്റെ പേരില്‍ തലശേരി ആര്‍ച്ച് ബിഷപ്പ് മാര്‍ ജോസഫ് പാംപ്ലാനിയെ സി.പി.ഐ.എം വളഞ്ഞിട്ട് അക്രമിക്കുന്നത് അദ്ദേഹത്തിന്റെ പ്രസ്താവന കൊള്ളേണ്ടിടത്ത് കൊണ്ടതുകൊണ്ടാണ്.
