ആ പാട്ട് പകുതി പാടിയപ്പോഴേക്കും ഞാന്‍ വല്ലാതെ അസ്വസ്ഥയായി, മകളുടെ ഓര്‍മ്മകള്‍ വന്നുകൊണ്ടിരുന്നു; മനസ്സുതുറന്ന് കെ.എസ്. ചിത്ര
എന്റര്‍ടെയിന്‍മെന്റ് ഡെസ്‌ക്
Tuesday, 27th July 2021, 10:22 pm
കൊച്ചി: പാടുന്ന പാട്ടിന്റെ വികാരം നമ്മളെ ബാധിക്കുമെന്ന് പറയുകയാണ് മലയാളത്തിന്റെ പ്രിയ ഗായിക കെ.എസ്. ചിത്ര. കേരള കൗമുദിയ്ക്ക് നല്‍കിയ അഭിമുഖത്തിലായിരുന്നു ചിത്ര മനസ്സുതുറന്നത്.
‘പാട്ടിന്റെ വികാരം തീര്‍ച്ചയായും നമ്മളെ ബാധിക്കും. അതു മാത്രമല്ല. എന്റെ മോള്‍ പോയതിന് ശേഷം സാമൂഹ്യ മാധ്യമങ്ങള്‍ വഴി എന്നെ സ്‌നേഹിക്കുന്ന, അമ്മേ എന്ന് വിളിക്കുന്ന ഒരുപാട് കുട്ടികളുണ്ട്.
അവരുടെ വിഷമങ്ങള്‍ കേള്‍ക്കുമ്പോള്‍ അത് എന്നെ സാരമായി ബാധിക്കാറുണ്ട്. ഉറക്കം പോലും നഷ്ടപ്പെടാറുണ്ട്. അതുപോലെ ചില വരികള്‍ സംഗീത സംവിധായകര്‍ പറഞ്ഞു തരുമ്പോള്‍ നമുക്കത് പാടാന്‍ സാധിക്കില്ലെന്ന് തോന്നാറുണ്ട്.
ജയരാജിന്റെ നായിക എന്ന ചിത്രത്തില്‍ അര്‍ജുനന്‍ മാഷുടെ വളരെ സങ്കടപ്പെടുത്തുന്ന ഒരു ഗാനമുണ്ട്. നിലാവ് പോലെ ഒരു അമ്മ. ആ ഗാനം പകുതി ആലപിച്ചപ്പോഴേക്കും എനിക്ക് വല്ലാത്തൊരു അസ്വസ്ഥതയുണ്ടായി.
