കോട്ടയം: മുഖ്യമന്ത്രി പിണറായി വിജയനെതിരെ വിദ്വേഷ പരാമര്‍ശവുമായി കെ.പി.സി.സി പ്രസിഡന്റ് കെ. സുധാകരന്. മുഖ്യമന്ത്രി വായ മൂടിക്കെട്ടിയ പോത്താണെന്ന് സുധാകരന് പറഞ്ഞു. തൊലിക്കട്ടി കൂടുതലുള്ളതുകൊണ്ടാണ് പുതുപ്പള്ളിയില്‍ മുഖ്യമന്ത്രി പ്രചാരണത്തിന് എത്തിയതെന്നും അദ്ദേഹം കൂട്ടിച്ചേര്‍ത്തു. ഏഷ്യാനെറ്റ് ന്യൂസിന് നല്‍കിയ പ്രതികരണത്തിലാണ് സുധാകരന്റെ വിവാദ പരാമര്‍ശം.
‘മുഖ്യമന്ത്രിക്കെതിരെയുള്ള പോരാട്ടം സി.പി.ഐ.എമ്മില്‍ നിന്ന് തന്നെ തുടക്കം കുറിച്ചു. സര്‍ക്കാര്‍ വിരുദ്ധ വികാരം പുതുപ്പള്ളിയില്‍ പ്രതിഫലിക്കും. മുഖ്യമന്ത്രിയുടെ കൊള്ളരുതായ്മയും കൊള്ളയും കൊള്ളിവെപ്പും അവരുടെ പാര്‍ട്ടിയില്‍ തന്നെ ചര്‍ച്ചയാകും.
തന്റെ കാര്യം നോക്കുന്നയാളാണ് മുഖ്യമന്ത്രി. സി.പി.ഐ.എമ്മിന്റെ സാധാരണ പ്രവര്‍ത്തകര്‍ ഇത് പറഞ്ഞുതുടങ്ങി. അദ്ദേഹത്തിന്റെ സംരക്ഷണത്തിന്റെ പൊലീസ്, സംരക്ഷണത്തിന്റെ ചെലവ്, മകള്‍ക്ക് വരുന്ന മാസപ്പടി… ഇതിനെക്കുറിച്ചൊന്നും പ്രതികരിക്കാത്ത മുഖ്യമന്ത്രി വായ മൂടിക്കെട്ടിയ പോത്താണ്.
