മാസ്‌ക് ധരിച്ച് വീട്ടിലിരുന്ന് ടി.വിയില്‍ റെക്കോര്‍ഡ് വിജയം കണ്ട് കെ.കെ ശൈലജ; നാടിന്റെ അതിജീവന പോരാട്ടത്തില്‍ ഒപ്പം നില്‍ക്കുന്നതിന് നന്ദിയെന്ന് പ്രതികരണം
ഡൂള്‍ന്യൂസ് ഡെസ്‌ക്
Sunday, 2nd May 2021, 3:58 pm
കണ്ണൂര്‍: റെക്കോര്‍ഡ് ഭൂരിപക്ഷം നേടി മട്ടന്നൂരില്‍ വിജയിച്ചതിന് പിന്നാലെ പ്രതികരണവുമായി ആരോഗ്യമന്ത്രി കെ.കെ ശൈലജ. കേരളം ജയിച്ചുവെന്നും ആ വിജയം വീട്ടിലിരുന്ന് കാണുകയാണെന്നും കെ.കെ ശൈലജ പറഞ്ഞു.
എല്ലാവരും കൊവിഡ് മാനദണ്ഡങ്ങള്‍ പാലിക്കണമെന്നും കെ.കെ ശൈലജ ഫേസ്ബുക്ക് പോസ്റ്റില്‍ പറഞ്ഞു.
‘ കേരളം ജയിച്ചു, ആ ജയം വീട്ടിലിരുന്നു കാണുന്നു. കൊവിഡ് മാനദണ്ഡങ്ങള്‍ മറക്കരുത് എന്ന് എല്ലാവരോടും ഒരുവട്ടം കൂടി ഓര്‍മ്മിപ്പിക്കുന്നു.
ഇടതുപക്ഷത്തെ നെഞ്ചേറ്റിയ എല്ലാവര്‍ക്കും അഭിവാദ്യങ്ങള്‍,’ മന്ത്രി ഫേസ്ബുക്കില്‍ എഴുതി.
‘ മട്ടന്നൂരിന് നന്ദി, തെരഞ്ഞെടുപ്പ് പോരാട്ടത്തില്‍ വിജയം സമ്മാനിച്ചതിന്. നാടിന്റെ അതിജീവന പോരാട്ടത്തില്‍ ഒപ്പം നില്‍ക്കുന്നതിന്,’ എന്നും കെ. കെ. ശൈലജ ഫേസ്ബുക്കിലെഴുതി.
