കുരുന്നുകളെ പിച്ചിച്ചീന്തി കെട്ടിത്തൂക്കുന്ന നരാധമന്‍മാര്‍ക്ക് വിടുവേല ചെയ്യുന്ന ഭരണക്കാര്‍ക്ക് ചങ്ക് പത്തുണ്ടായിട്ടും കാര്യമില്ല; വാളയാര്‍ കേസില്‍ കെ.കെ രമ
ഡൂള്‍ന്യൂസ് ഡെസ്‌ക്
Saturday, 26th October 2019, 4:26 pm
കോഴിക്കോട്: വാളയര്‍ പീഡനക്കേസില്‍ പ്രതികളെ വെറുതെ വിട്ട നടപടിയില്‍ സംസ്ഥാന സര്‍ക്കാരിനെതിരെ രൂക്ഷവിമര്‍ശനവുമായി ആര്‍.എം.പി നേതാവ് കെ.കെ രമ.
എട്ടും,പതിനൊന്നും വയസ്സ് പ്രായമുള്ള രണ്ട് പെണ്‍കുഞ്ഞുങ്ങളെ പീഡിപ്പിച്ച് കൊന്നുകെട്ടിത്തൂക്കിയ പ്രതികള്‍ നിയമത്തിന്റെ കൈകളില്‍ നിന്ന് അനായാസം രക്ഷപ്പെട്ട വിധിയുടെ ഞെട്ടലില്‍ നില്‍ക്കുകയാണ് കേരളമെന്നും പ്രതികളെ രക്ഷപ്പെടുത്താന്‍ രാഷ്ട്രീയ സമ്മര്‍ദ്ദമുണ്ടായെന്ന് ഒന്നാം പ്രതിയുടെ അഭിഭാഷകന്‍ തന്നെ തുറന്നുപറഞ്ഞതിന്റെ വാര്‍ത്തകള്‍ വെളിപ്പെട്ടിരിക്കെ ഈ ദളിത് ബാല പീഡനഹത്യയുടെ ചോരക്കറ സംസ്ഥാനത്ത് ആഭ്യന്തരം ഭരിക്കുന്നവരുടേയും പട്ടികജാതി-പട്ടികവര്‍ഗ്ഗ വകുപ്പ് ഭരിക്കുന്നവരുടേയും കൈകളില്‍ പുരണ്ടിരിക്കുന്നുവെന്ന് പകല്‍ പോലെ തെളിഞ്ഞിരിക്കുന്നെന്നും കെ. കെ രമ പറഞ്ഞു.
