ട്രേഡ് യൂണിയനെ ഉയര്‍ത്തിക്കാണിക്കുന്നതാണ് കേരളത്തിന്റെ പ്രശ്നമെന്ന് കട്ജു; അത് കൊണ്ടാണ് മറ്റു സംസ്ഥാനങ്ങളെക്കാള്‍ മികച്ചതായതെന്ന് മലയാളികള്‍
ഡൂള്‍ന്യൂസ് ഡെസ്‌ക്
Friday, 29th January 2021, 9:54 pm
മുംബൈ: കേരളത്തിലെ ട്രേഡ് യൂണിയനുകള്‍ക്കെതിരായ പോസ്റ്റ് പ്രതിഷേധങ്ങള്‍ക്കൊടുവില്‍ പിന്‍വലിച്ച് റിട്ടേര്‍ഡ് ജസ്റ്റിസ് മാര്‍ക്കണ്‌ഠേയ കട്ജു. ട്രേഡ് യൂണിയനുകളെ ഉയര്‍ത്തിക്കാണിക്കുന്നതാണ് കേരളത്തിന്റെ പ്രശ്‌നമെന്നായിരുന്നു കട്ജുവിന്റെ പോസ്റ്റ്.
എന്നാല്‍ ട്രേഡ് യൂണിയനുകളെ കൊണ്ടാണ് കേരളത്തില്‍ ഇന്ന് കാണുന്ന ജീവിത സാഹചര്യങ്ങള്‍ മലയാളികള്‍ക്ക് ഉണ്ടായതെന്നും ഈ ട്രേഡ് യൂണിയനുകള്‍ കാരണമാണ് കേരളം മറ്റു സംസ്ഥാനങ്ങളെക്കാള്‍ മികച്ചതായതെന്നും കട്ജുവിന്റെ പോസ്റ്റിന് താഴേ മറുപടിയുമായി മലയാളികളടക്കം നിരവധി പേര്‍ രംഗത്ത് എത്തി.
ട്രേഡ് യൂണിയനുകള്‍ കാരണം കേരളത്തിനുണ്ടായ നേട്ടങ്ങള്‍ എണ്ണി എണ്ണി പറഞ്ഞ് ആളുകള്‍ എത്തിയതോടെ സോഷ്യല്‍ മീഡിയയില്‍ നിന്ന് കട്ജു പോസ്റ്റ് പിന്‍വലിച്ചു.
