'ഇത് നിങ്ങളുടെ മുസ്‌ലീം വിരുദ്ധതയും വിദ്വേഷവും പടര്‍ത്താനുള്ള സമയമല്ല, യഥാര്‍ത്ഥ വിഷയത്തെ കുറിച്ച് സംസാരിക്കൂ' : പാര്‍വതി
ഡൂള്‍ന്യൂസ് ഡെസ്‌ക്
Thursday, 4th June 2020, 1:17 pm
കൊച്ചി: പാലക്കാട് ഗര്‍ഭിണിയായ കാട്ടാന സ്‌ഫോടക വസ്തു നിറച്ച പൈനാപ്പിള്‍ കഴിച്ച് കൊല്ലപ്പെട്ട സംഭവത്തിലും ഇതിന് പിന്നാലെ സംഭവം നടന്നത് മലപ്പുറത്താണെന്ന തരത്തില്‍ ജില്ലക്കെതിരെ ചിലര്‍ ഉയര്‍ത്തിയ വിദ്വേഷ പ്രചരണത്തിലും പ്രതികരണവുമായി നടി പാര്‍വതി തിരുവോത്ത്.
യഥാര്‍ത്ഥ പ്രശ്നത്തില് ശ്രദ്ധ കേന്ദ്രീകരിക്കാതെ ഈ സംഭവത്തെ ഒരു മുസ്‌ലീം വിരുദ്ധ, വിദ്വേഷ പ്രചാരണമാക്കി മാറ്റുന്ന തരത്തിലേക്കുള്ള ചിലരുടെ ഇടപെടലുകള്‍ യഥാര്‍ത്ഥത്തില്‍ ആശ്ചര്യപ്പെടുത്തുന്നതാണെന്ന് പാര്‍വതി ട്വിറ്ററില്‍ കുറിച്ചത്.
ഇത്തരം സ്‌ഫോടനാത്മകാമായ ക്രൂരകൃത്യങ്ങള്‍ക്ക് നടുവില്‍ മൃഗങ്ങള്‍ അപകടത്തിലാണെന്നും അതുകൊണ്ട് തന്നെ യഥാര്‍ത്ഥ പ്രശ്‌നത്തെ കുറിച്ച് സംസാരിക്കൂവെന്നുമാണ് പാര്‍വതി ട്വിറ്ററില്‍ കുറിച്ചത്.
