2023ലെ ബില്‍ബോര്‍ഡ് മ്യൂസിക് അവാര്‍ഡ് (B.B.M.A) വിജയികളെ പ്രഖ്യാപിച്ചു. മറ്റ് മ്യൂസിക് അവാര്‍ഡുകളില്‍ നിന്ന് വ്യത്യസ്തമായി ആല്‍ബം, ഡിജിറ്റല്‍ സോങ്ങുകളുടെ വില്‍പന, സ്ട്രീമിങ്ങ്, റേഡിയോ എയര്‍പ്ലേ എന്നിവയെ അടിസ്ഥാനമാക്കിയായിരുന്നു ബില്‍ബോര്‍ഡ് മ്യൂസിക് അവാര്‍ഡിലെ ഫൈനലിസ്റ്റുകളെ തെരഞ്ഞെടുത്തിരുന്നത്.
ഈ വര്‍ഷം, ബില്‍ബോര്‍ഡ് നാല് കെ-പോപ്പ് വിഭാഗങ്ങളെയായിരുന്നു അവാര്‍ഡ് പരിഗണനയില്‍ പുതുതായി കൊണ്ടു വന്നിരുന്നത്. മികച്ച ഗ്ലോബല്‍ കെ-പോപ്പ് ആര്‍ട്ടിസ്റ്റ്, മികച്ച കെ-പോപ്പ് ആല്‍ബം, മികച്ച ഗ്ലോബല്‍ കെ-പോപ്പ് സോങ്ങ്, മികച്ച കെ-പോപ്പ് ടൂറിങ്ങ് ആര്‍ട്ടിസ്റ്റ് എന്നിവയൊക്കെയായിരുന്നു അത്.
അതില്‍ കെ-പോപ്പ് വിഭാഗങ്ങളിലെ അവാര്‍ഡുകളില്‍ വിജയികളായിരിക്കുന്നത് ജങ്കൂക്ക്, ന്യൂജീന്‍സ്, സ്ട്രേ കിഡ്സ്, ബ്ലാക്ക് പിങ്ക് എന്നിവരാണ്.
‘ഈ അവാര്‍ഡ് ലഭിച്ചതിലെ എന്റെ നന്ദി വാക്കുകളാല്‍ പ്രകടിപ്പിക്കുന്നത് വളരെ ബുദ്ധിമുട്ടുള്ള കാര്യമാണ്. ആര്‍മിക്കും ഈ സോങ്ങ് ഇഷ്ടപ്പെട്ട എല്ലാവര്‍ക്കും നന്ദി. നിങ്ങള്‍ ഇല്ലായിരുന്നുവെങ്കില്‍ എനിക്ക് ഈ അവാര്‍ഡ് ലഭിക്കുമായിരുന്നില്ല,’ ജങ്കൂക്ക് പറഞ്ഞു.
മികച്ച കെ-പോപ്പ് ടൂറിങ്ങ് ആര്‍ട്ടിസ്റ്റ് വിഭാഗത്തില്‍ ബ്ലാക്ക് പിങ്കാണ് അവാര്‍ഡ് നേടിയത്. അവരുടെ BORN PINK എന്ന വേള്‍ഡ് ടൂര്‍ ലോകമെമ്പാടുമുള്ള 22 രാജ്യങ്ങളിലെ 34 നഗരങ്ങളിലായി 66 കോണ്‍സേര്‍ട്ടുകളാണ് നടത്തിയിരുന്നത്.
മികച്ച ഗ്ലോബല്‍ കെ-പോപ്പ് ആര്‍ട്ടിസ്റ്റ് വിഭാഗത്തില്‍ ന്യൂജീന്‍സ് എന്ന ഗേള്‍ ഗ്രൂപ്പ് തെരഞ്ഞെടുക്കപ്പെട്ടു. കൂടാതെ തങ്ങളുടെ ഹിറ്റ് സോങ്ങുകളായ ‘സൂപ്പര്‍ ഷൈ’, ‘ഒ.എം.ജി’ എന്നിവ ബില്‍ബോര്‍ഡ് മ്യൂസിക് അവാര്‍ഡ് ഷോയില്‍ അവര്‍ പെര്‍ഫോം ചെയ്തു.
അതില്‍ ഞങ്ങള്‍ വളരെ നന്ദിയുള്ളവരാണ്. ഈ അവാര്‍ഡ് ഞങ്ങളുടെ ആരാധകരില്‍ നിന്ന് ഞങ്ങള്‍ക്ക് ലഭിക്കുന്ന എല്ലാ സ്‌നേഹത്തിന്റെയും പിന്തുണയുടെയും ഓര്‍മപ്പെടുത്തലായിരിക്കും,’ ന്യൂജീന്‍സ് പറഞ്ഞു.
ബില്‍ബോര്‍ഡിന്റെ മികച്ച കെ-പോപ്പ് ആല്‍ബത്തിനുള്ള അവാര്‍ഡ് നേടിയത് സ്ട്രേ കിഡ്സ് എന്ന ബോയ് ബാന്‍ഡാണ്. അവരുടെ ‘ഫൈവ് സ്റ്റാര്‍’ എന്ന ആല്‍ബമാണ് അവാര്‍ഡ് സ്വന്തമാക്കിയത്. സ്ട്രേ കിഡ്സിന്റെ മൂന്നാമത്തെ സ്റ്റുഡിയോ ആല്‍ബമാണ് അത്.
Content Highlight: Jungkook, Black Pink, Newjeans And Stray Kids Are The Winners Of The Billboard Music Awards