ബില്‍ബോര്‍ഡ് മ്യൂസിക് അവാര്‍ഡിലെ കെ-പോപ്പ് വിജയികളെ പ്രഖ്യാപിച്ചു
എന്റര്‍ടെയിന്‍മെന്റ് ഡെസ്‌ക്
Monday, 20th November 2023, 9:29 pm
2023ലെ ബില്‍ബോര്‍ഡ് മ്യൂസിക് അവാര്‍ഡ് (B.B.M.A) വിജയികളെ പ്രഖ്യാപിച്ചു. മറ്റ് മ്യൂസിക് അവാര്‍ഡുകളില്‍ നിന്ന് വ്യത്യസ്തമായി ആല്‍ബം, ഡിജിറ്റല്‍ സോങ്ങുകളുടെ വില്‍പന, സ്ട്രീമിങ്ങ്, റേഡിയോ എയര്‍പ്ലേ എന്നിവയെ അടിസ്ഥാനമാക്കിയായിരുന്നു ബില്‍ബോര്‍ഡ് മ്യൂസിക് അവാര്‍ഡിലെ ഫൈനലിസ്റ്റുകളെ തെരഞ്ഞെടുത്തിരുന്നത്.
ഈ വര്‍ഷം, ബില്‍ബോര്‍ഡ് നാല് കെ-പോപ്പ് വിഭാഗങ്ങളെയായിരുന്നു അവാര്‍ഡ് പരിഗണനയില്‍ പുതുതായി കൊണ്ടു വന്നിരുന്നത്. മികച്ച ഗ്ലോബല്‍ കെ-പോപ്പ് ആര്‍ട്ടിസ്റ്റ്, മികച്ച കെ-പോപ്പ് ആല്‍ബം, മികച്ച ഗ്ലോബല്‍ കെ-പോപ്പ് സോങ്ങ്, മികച്ച കെ-പോപ്പ് ടൂറിങ്ങ് ആര്‍ട്ടിസ്റ്റ് എന്നിവയൊക്കെയായിരുന്നു അത്.
അതില്‍ കെ-പോപ്പ് വിഭാഗങ്ങളിലെ അവാര്‍ഡുകളില്‍ വിജയികളായിരിക്കുന്നത് ജങ്കൂക്ക്, ന്യൂജീന്‍സ്, സ്ട്രേ കിഡ്സ്, ബ്ലാക്ക് പിങ്ക് എന്നിവരാണ്.
ജങ്കൂക്ക് മികച്ച ഗ്ലോബല്‍ കെ-പോപ്പ് സോങ്ങിനുള്ള അവാര്‍ഡാണ് സ്വന്തമാക്കിയിരിക്കുന്നത്. ജങ്കൂക്കിന്റെ ‘ഗോള്‍ഡന്‍’ ആല്‍ബത്തിലെ ‘സെവന്‍’ എന്ന സോങ്ങാണ് അവാര്‍ഡ് നേടിയത്. മികച്ച ഗ്ലോബല്‍ കെ-പോപ്പ് സോങ്ങിനുള്ള അവാര്‍ഡ് നേടിയതിലുള്ള സന്തോഷം ജങ്കൂക്ക് വീഡിയോയിലൂടെ പങ്കുവെച്ചു.
1.8 മില്യണിലധികം ആളുകളാണ് ഇത് കണ്ടത്. ഒരു കെ-പോപ്പ് ഗേള്‍ ഗ്രൂപ്പിന്റെ ഏറ്റവും കൂടുതല്‍ ആളുകള്‍ പങ്കെടുത്ത കോണ്‍സേര്‍ട്ട് ടൂറായി ഇത് മാറിയിരുന്നു.
‘ഒരുപാട് നല്ല ആര്‍ട്ടിസ്റ്റുകള്‍ക്കൊപ്പം ഈ വിഭാഗത്തില്‍ നോമിനേഷനില്‍ വന്നത് തന്നെ ഒരു ബഹുമതിയായിട്ടാണ് കാണുന്നത്. ബില്‍ബോര്‍ഡ് മ്യൂസിക് അവാര്‍ഡില്‍ പെര്‍ഫോം ചെയ്യാനുള്ള അവസരവും ഞങ്ങള്‍ക്ക് ലഭിച്ചു.
