സിദാന് പകരം ജുലന്‍ ലൊപെറ്റുഗി റയലിന്റെ പുതിയ പരിശീലകന്‍
സ്പോര്‍ട്സ് ഡെസ്‌ക്
Tuesday, 12th June 2018, 9:20 pm
റയല്‍മാഡ്രിഡ് തങ്ങളുടെ പുതിയ പരിശീലകനായി സ്‌പെയിന്‍ മാനേജര്‍ ജുലന്‍ ലൊപെറ്റുഗിയെ നിയമിച്ചു. സിദാന് പോയ ഒഴിവിലേക്ക് മൂന്നു വര്‍ഷത്തേക്കാണ് കരാര്‍. ജുലന്‍ 2016 മുതല്‍ സ്‌പെയിന്‍ ദേശീയ ടീമിനെ പരിശീലിപ്പിക്കുന്നുണ്ട്.
ലോകകപ്പ് കഴിഞ്ഞാലുടന്‍ ലൊപെറ്റുഗി മാഡ്രിഡില്‍ ചുമതലയേല്‍ക്കും. ചാംപ്യന്‍സ് ലീഗ് കിരീടം നേടിക്കൊടുത്തതിന് പിന്നാലെ മെയ് മാസത്തിലാണ് സിദാന് പരിശീലക സ്ഥാനമൊഴിഞ്ഞത്.
പോര്‍ട്ടോ എഫ്.സി, സ്പാനിഷ് ക്ലബ്ബായ റയോ, റയല്‍ മാഡ്രിഡ് ബി ടീം എന്നിവയെ ജുലന്‍ നേരത്തെ പരിശീലിപ്പിച്ചിട്ടുണ്ട്. 2003ല്‍ സ്‌പെയിന്‍ അണ്ടര്‍ 17 ടീമിന്റെ ചുമതലയേറ്റെടുത്താണ് ലൊപെറ്റുഗി പരിശീലന രംഗത്തെത്തുന്നത്.
നിലവില്‍ 2020 വരെ ജുലന്‍ സ്‌പെയിന്‍ ടീമിന്റെ ചുമതലയുണ്ട്.