ചിദംബരത്തിന്റെ ജാമ്യ ഹരജി തള്ളിയ ഹൈക്കോടതി ജഡ്ജിയ്ക്ക് പി.എം.എല്‍.എ അപ്പലേറ്റ് ട്രൈബ്യൂണല്‍ ചെയര്‍പേഴ്‌സണ്‍ ആയി നിയമനം
ഡൂള്‍ന്യൂസ് ഡെസ്‌ക്
Wednesday, 28th August 2019, 2:43 pm
ന്യൂദല്‍ഹി: ദല്‍ഹി ഹൈക്കോടതി ജഡ്ജി സ്ഥാനത്തുനിന്നും വിരമിച്ച ജസ്റ്റിസ് സുനില്‍ ഗൗറിനെ സാമ്പത്തിക തട്ടിപ്പ് തടയുന്നതിനുവേണ്ടിയുള്ള (പി.എം.എല്‍.എ) അപ്പലേറ്റ് ട്രൈബ്യൂണലിന്റെ ചെയര്‍പേഴ്‌സണായി നിയമിച്ചു. കോണ്‍ഗ്രസ് നേതാവ് പി. ചിദംബരത്തിന് മുന്‍കൂര്‍ ജാമ്യം നിഷേധിച്ച ദല്‍ഹി ഹൈക്കോടതി ജഡ്ജി സുനില്‍ ഗൗര്‍ ആയിരുന്നു.
ചിദംബരത്തിന്റെ ഹരജി പരിഗണിച്ചതിന്റെ പിന്നാലെ ആഗസ്റ്റ് 23നാണ് ഗൗര്‍ വിരമിച്ചത്. ചിദംബരത്തിനെതിരായ കേസ് ‘സാമ്പത്തിക തട്ടിപ്പിന് ഉത്തമ ഉദാഹരണമാണ്’ എന്നും ഐ.എന്‍.എക്‌സ് മീഡിയ കേസില്‍ അദ്ദേഹം മുഖ്യ ഗൂഢാലോചകനാണ് എന്നും ഗൗര്‍ നിരീക്ഷിച്ചിരുന്നു.
