പാര്‍ട്ടി ന്യായീകരണ പോസ്റ്റ് ഇടുന്നവരെ ബ്ലോക്ക് ചെയ്യുന്നതാണ് യുവജനങ്ങള്‍ക്ക് നല്ലതെന്ന് ജൂഡ്; വിമര്‍ശനങ്ങള്‍ക്ക് പിന്നാലെ പോസ്റ്റ് മുക്കി
ഡൂള്‍ന്യൂസ് ഡെസ്‌ക്
Saturday, 5th February 2022, 11:19 pm
കോഴിക്കോട്: രാഷ്ട്രീയ പാര്‍ട്ടികളുമായി ബന്ധപ്പെട്ട ന്യായീകരണ പോസ്റ്റ് ഫേസ്ബുക്കില്‍ ഷെയര്‍ ചെയ്യുന്നവരെ ബ്ലോക്ക് ചെയ്യുന്നത് യുവജനങ്ങള്‍ക്ക് നല്ലതെന്ന് സംവിധായകന്‍ ജൂഡ് ആന്റണി ജോസഫ്.
എന്തിന്റെ പശ്ചാത്തലത്തിലാണ് ജൂഡ് ഇങ്ങനെയൊരു പോസറ്റ് ഷെയര്‍ ചെയ്തതെന്ന് വ്യക്തമല്ലെങ്കിലും പങ്കുവെച്ച് 15 മിനിട്ടുകള്‍ക്കകം പോസ്റ്റ് വാളില്‍ നിന്ന് അപ്രത്യക്ഷമാവുകയും ചെയ്തു. പോസ്റ്റ് അരാഷ്ട്രീയത്തെ പ്രോത്സാഹിപ്പിക്കുന്നതാണെന്ന് വിമര്‍ശനമുണ്ടായതിന് പിന്നാലെയാണ് പിന്‍വലിച്ചത്.
‘പാര്‍ട്ടി സംബന്ധമായ ന്യായികരണങ്ങള്‍ പോസ്റ്റ് ഇടുന്ന എല്ലാവരെയും ഇടം വലം നോക്കാതെ ബ്ലോക്ക് ചെയ്യുന്നതാണ് യുവജനങ്ങള്‍ക്ക് നല്ലത്,’ എന്നായിരുന്നു ജൂഡിന്റെ കുറിപ്പിന്റെ പൂര്‍ണരൂപം.
