‘ഫലസ്തീനിലെ പത്രസ്വാതന്ത്ര്യത്തെ പിന്തുണയ്ക്കുന്ന ഗ്രൂപ്പുകളെന്ന നിലയില്‍ മാധ്യമപ്രവര്‍ത്തകര്‍ക്ക് ഐക്യദാര്‍ഢ്യം പ്രഖ്യാപിക്കാനും മാധ്യമപ്രവര്‍ത്തകര്‍ക്ക് സംരക്ഷണം നല്‍കാനും ഇസ്രഈലിന് ആയുധങ്ങള്‍ നല്‍കുന്നത് അവസാനിപ്പിക്കണമെന്നും ഞങ്ങള്‍ ആവശ്യപ്പെടുകയാണ്,’ കത്തില്‍ പറയുന്നു.
ഗസയിലെ യുദ്ധത്തെക്കുറിച്ച് സത്യസന്ധമായി റിപ്പോര്‍ട്ട് ചെയ്യുന്നതിനെയും ഫലസ്തീനികളെ പ്രതിരോധിക്കുന്നതിനും ഇസ്രഈല്‍ തുടരുന്ന മാര്‍ഗമാണ് ആക്രമണം, അതിനായി ആയുധങ്ങള്‍ നല്‍കുന്നത് പത്രപ്രവര്‍ത്തനത്തെ അടിച്ചമര്‍ത്താന്‍ അമേരിക്ക ഇസ്രഈലിനെ സഹായിക്കുന്നതിന് തുല്യമാണ് എന്ന് മാധ്യമപ്രവര്‍ത്തകര്‍ അയച്ച കത്തില്‍ പറഞ്ഞു.
113 മാധ്യമപ്രവര്‍ത്തകരും ഏഴ് പ്രസ്സ് ഫ്രീഡം സംഘടനകളും 20 വാര്‍ത്താ ഏജന്‍സികളുമാണ് കത്തില്‍ ഒപ്പു വച്ചിട്ടുള്ളത്.
ഇന്റര്‍നെറ്റ് തകരാറുകള്‍, ഗസയില്‍ നിന്നുള്ള റിപ്പോര്‍ട്ടര്‍മാരെ തടയല്‍, അല്‍ജസീറയുടെ ഓഫീസ് റെയ്ഡ് ചെയ്യല്‍ എന്നിങ്ങനെയുള്ള ഇസ്രഈലിന്റെ അടിച്ചമര്‍ത്തലുകളെല്ലാം കത്തില്‍ ഉള്‍പ്പെടുത്തിയിട്ടുണ്ട്. ഇസ്രഈലിന്റെ ആക്രമണങ്ങളുടെ തീവ്രത മാധ്യമങ്ങളിലൂടെ പ്രസിദ്ധീകരിക്കുന്നത് തടയാനാണ് ഇത്തരത്തിലുള്ള അക്രമങ്ങള്‍ തുടരുന്നതെന്നും കത്തില്‍ പറയുന്നു.
കവര്‍ ചിത്രത്തിന് കടപ്പാട്: അല്‍ ജസീറ
Content Highlight: Journalists send letter to US asking not to give arms to Israel
