അജ്ഞാതരുടെ വെടിയേറ്റ് മാധ്യമപ്രവര്‍ത്തകന്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Thursday, 30th November 2017, 8:31 pm
കാണ്‍പൂര്‍: അജ്ഞാതരുടെ വെടിയേറ്റ് മാധ്യമപ്രവര്‍ത്തകന്‍ കൊല്ലപ്പെട്ടു. ഹിന്ദുസ്ഥാന്‍ പത്രത്തില്‍ റിപ്പോര്‍ട്ടറായ നവീന്‍ ആണ് കൊല്ലപ്പെട്ടത്.
ഉത്തര്‍പ്രദേശിലെ കാണ്‍പൂരിലാണ് സംഭവം. ബൈക്കിലെത്തിയ അജ്ഞാതര്‍ നവീനുനേരെ വെടിയുതിര്‍ക്കുകയായിരുന്നു. കൂടൂതല്‍ വിവരങ്ങള്‍ പുറത്തുവന്നിട്ടില്ല.
ഒരു മാസത്തിനിടെ രാജ്യത്ത് കൊല്ലപ്പെടുന്ന രണ്ടാമത്തെ മാധ്യമ പ്രവര്‍ത്തകനാണ് നവീന്‍. ത്രിപുരയില്‍ സുദീപ് ദത്ത ഭൗമിക് എന്ന മാധ്യമപ്രവര്‍ത്തകന്‍ കൊല്ലപ്പെട്ടത് ഈ മാസം 22നാണ്.
വെസ്റ്റ് ബംഗാളില്‍ സെപ്തംബര്‍ 20 ന് ശന്തനു ഭൗമിക് എന്ന് മാധ്യമപ്രവര്‍ത്തകനും കൊല്ലപ്പെട്ടിരുന്നു. മുതിര്‍ന്ന മാധ്യമപ്രവര്‍ത്തക ഗൗരി ലങ്കേഷ് കൊല്ലപ്പെട്ടതിനുശേഷം മാധ്യമപ്രവര്‍ത്തകര്‍ക്കുനേരെയുള്ള അതിക്രമങ്ങളില്‍ രാജ്യവ്യാപക പ്രതിഷേധം ഉയര്‍ന്നിരുന്നു.