ന്യൂദല്‍ഹി: ഗുജറാത്ത് വംശഹത്യയുമായി ബന്ധപ്പെട്ട നരോദ ഗാം കൂട്ടക്കൊലക്കേസില്‍ ബി.ജെ.പി മുന്‍ മന്ത്രി മായ കൊട്നാനി അടക്കമുള്ള 68 പ്രതികളെയും വെറുതെവിട്ട സംഭവത്തില്‍ വിമര്‍ശനവുമായി മാധ്യപ്രവര്‍ത്തക സബ നഖ്‌വി.
പ്രധാനമന്ത്രി നരേന്ദ്ര മോദിയെ വിമര്‍ശിച്ച രാഹുല്‍ ഗാന്ധിയുടെ അപകീര്‍ത്തി പരാമാര്‍ശ കേസിലെ വിധിയും നരോദ ഗാം കൂട്ടക്കൊല കേസിലെ വിധിയും താരതമ്യം ചെയ്തായിരുന്നു സബ നഖ്‌വിയുടെ വിമര്‍ശനം.
ഗുജറാത്തില്‍ മുസ്‌ലിങ്ങളെ കൊന്നവരും ബലാത്സംഗം ചെയ്തവരും സ്വതന്ത്രരാകുകായും, രാഹുല്‍ ഗാന്ധി ജയിലില്‍ പോകണമെന്ന് പറയുകയും ചെയ്ത രണ്ട് സംഭവങ്ങള്‍ ഒറ്റ ദിവസമാണ് ഇന്ത്യയില്‍ നടന്നതെന്ന് സബ നഖ്‌വി പറഞ്ഞു.
No one killed any Muslims and raped women in Gujarat and even if they did, so what, they deserve to go free.
But Rahul Gandhi must go to jail…
All in one day in India.
— Saba Naqvi (@_sabanaqvi) April 20, 2023
‘ഗുജറാത്തില്‍ ആരും മുസ്‌ലിങ്ങളെ കൊന്നുകളയുകയോ സ്ത്രീകളെ ബലാംത്സംഗം ചെയ്യുകയോ ചെയ്തിട്ടില്ല, അങ്ങനെ ചെയ്താലും അവര്‍ സ്വതന്ത്രരാകാന്‍ അര്‍ഹരാണ്. എന്നാലും രാഹുല്‍ ഗാന്ധി എന്തുതന്നെയായാലും ജയിലില്‍ പോകണം.
