'ലോകത്ത് മറ്റൊരു പരിശീലകനും ലഭിച്ചിട്ടില്ലാത്ത ഓഫര്‍ തനിക്ക് വേണ്ട'; സൗദി ക്ലബ്ബിനോട് ജോസെ മൊറീഞ്ഞോ
സ്പോര്‍ട്സ് ഡെസ്‌ക്
Monday, 3rd July 2023, 9:08 am
സൗദി അറേബ്യന്‍ ക്ലബ്ബായഅല്‍ ഹിലാലിന്റെ ഓഫര്‍ നിരസിച്ച് എ.എസ്. റോമ പരിശീലകന്‍ ജോസെ മൊറീഞ്ഞോ. മോഹവില വാഗ്ദാനം നല്‍കിയെങ്കിലും യൂറോപ്പ് വിടാന്‍ ഒരുക്കമല്ലെന്ന് മൊറീഞ്ഞോ സൗദി ക്ലബ്ബിനെ അറിയിക്കുകയായിരുന്നെന്ന് റിപ്പോര്‍ട്ടില്‍ പറയുന്നു. ജോസെക്കായി ക്ലബ്ബ് 30 മില്യണ്‍ യൂറോ പ്രതി വര്‍ഷം വേതനം ലഭിക്കുന്ന കരാര്‍ ഓഫര്‍ ചെയ്തിരുന്നതായി പ്രമുഖ ഫുട്ബോള്‍ ജേണലിസ്റ്റും ട്രാന്‍സ്ഫര്‍ എക്സ്പര്‍ട്ടുമായ ഫാബ്രിസിയോ റൊമാനോ ട്വീറ്റ് ചെയ്തു.
ലോകത്ത് ഇന്നേവരെ മറ്റൊരു പരിശീലകനും ലഭിച്ചിട്ടില്ലാത്ത ഓഫറാണിതെന്ന് തനിക്കറിയാമെന്നും റോമയില്‍ മാത്രമാണ് ഇപ്പോള്‍ താന്‍ ശ്രദ്ധ കേന്ദ്രീകരിക്കുന്നതെന്നുമാണ് മൊറീഞ്ഞോ വിഷയത്തില്‍ പ്രതികരിച്ചത്.
