മഹേഷിനും തൊണ്ടിമുതലിനും ശേഷം ഫഹദ് - ദിലീഷ് പോത്തന്‍ - ശ്യാം പുഷ്‌ക്കരന്‍ ത്രയം; പുതിയ സിനിമ പ്രഖ്യാപിച്ചു
എന്റര്‍ടെയിന്‍മെന്റ് ഡെസ്‌ക്
Saturday, 3rd October 2020, 10:52 am
കൊച്ചി: മഹേഷിന്റെ പ്രതികാരത്തിനും തൊണ്ടിമുതലിനും ദൃക്സാക്ഷികള്‍ക്കും ശേഷം ദിലീഷ് പോത്തന്‍ വീണ്ടും സംവിധായകനാവുന്നു. ജോജി എന്ന് പേരിട്ടിരിക്കുന്ന ചിത്രതത്തില്‍ ഫഹദ് ഫാസില്‍ തന്നെയാണ് നായകന്‍.
ചിത്രത്തിന്റെ ടൈറ്റില്‍ പോസ്റ്റര്‍ ഫഹദ് പുറത്ത് വിട്ടു. ശ്യാം പുഷ്‌ക്കരന്‍ തന്നെയാണ് ചിത്രത്തിന്റെ തിരക്കഥ. ഭാവന സ്റ്റുഡിയോസും ദിലീഷ് പോത്തന്റെയും ശ്യാം പുഷ്‌ക്കരന്റെയും നിര്‍മ്മാണ സംരഭമായ ‘വര്‍ക്കിങ്ങ് ക്ലാസ്സ് ഹീറോ’യും ഫഹദിന്റെ ഫഹദ് ഫാസില്‍ ആന്‍ഡ് ഫ്രണ്ട്സുമായി സംയുക്തമായാണ് ചിത്രം നിര്‍മ്മിക്കുന്നത്.
