ഉദയകൃഷ്ണ, സിബി കെ. തോമസ് എന്നിവരുടെ തിരക്കഥയില്‍ ജോണി ആന്റണി സംവിധാനം ചെയ്ത ചിത്രമായിരുന്നു തുറുപ്പുഗുലാന്‍. 2006ല്‍ പുറത്തിറങ്ങിയ ഈ ആക്ഷന്‍ കോമഡി ചിത്രത്തില്‍ മമ്മൂട്ടി ആയിരുന്നു കുഞ്ഞുമോന്‍ എന്ന ഗുലാനായി എത്തിയത്.
മമ്മൂട്ടിക്ക് പുറമെ സ്നേഹ, ഇന്നസെന്റ്, ദേവന്‍, കലാശാല ബാബു, സുരേഷ് കൃഷ്ണ, ജഗതി ശ്രീകുമാര്‍, രാജ് കപൂര്‍, വിജയരാഘവന്‍, സലിം കുമാര്‍, ഹരിശ്രീ അശോകന്‍, കൊച്ചിന്‍ ഹനീഫ, ബാബുരാജ് തുടങ്ങിയ മികച്ച താരനിരയായിരുന്നു ഒന്നിച്ചത്.
ഗുലാനിലെ മമ്മൂട്ടിയുടെ കോസ്റ്റ്യൂമിനെ കുറിച്ചും ഡാന്‍സിനെ കുറിച്ചും പറയുകയാണ് സംവിധായകന്‍ ജോണി ആന്റണി. സിനിമക്ക് എന്തെങ്കിലും ഒരു സ്‌പെഷ്യാലിറ്റി വേണമെന്ന് തോന്നിയത് കൊണ്ടാണ് ഗുലാന്റെ കോസ്റ്റ്യൂം അങ്ങനെയാക്കിയതെന്നാണ് അദ്ദേഹം പറയുന്നത്. മൂവി വേള്‍ഡ് മീഡിയക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു ജോണി ആന്റണി.
അതുകൊണ്ട് ആ സിനിമക്ക് എന്തെങ്കിലും ഒരു സ്‌പെഷ്യാലിറ്റി വേണമായിരുന്നു. ആ കാരണം കൊണ്ടാണ് ഗുലാന്റെ കോസ്റ്റ്യൂം അങ്ങനെയാക്കിയത്. പിന്നെ ആ കോസ്റ്റ്യൂമിന്റെ കാര്യത്തില്‍ മമ്മൂക്കയുടെ സജഷന്‍ ഉണ്ടായിരുന്നു. ഡാന്‍സ് ക്ലാസിന്റെ കാര്യം ഷൂട്ടിങ്ങ് തുടങ്ങുന്നതിന്റെ തലേദിവസം തോന്നിയ കാര്യമായിരുന്നു.
ഗുലാന് എവിടേയെന്ന് ചോദിക്കുമ്പോള്‍ ഒരിക്കലും അറിയാന്‍ പാടില്ലാത്ത പണി പഠിക്കാന്‍ പോയേക്കുവാണെന്ന് പറയുന്നതും പിള്ളേരുടെ കൂടെ ഡാന്‍സ് കളിക്കുന്നതുമൊക്കെ അങ്ങനെ കൊണ്ടുവന്ന സീനാണ്.
അത് സത്യത്തില്‍ പിന്നീട് ഗുലാന് എന്തും ചെയ്യാനുള്ള ലൈസന്‍സ് ആകുകയായിരുന്നു. ഗുലാന് പിന്നെ ആ സിനിമയില്‍ എന്ത് കാണിച്ചാലും ഓക്കെയായിരുന്നു. പിന്നെ ഡാന്‍സ് ചെയ്യേണ്ട സീന്‍ വന്നാല്‍ ഗുലാന് സ്റ്റെപ്പ്‌സ് തെറ്റിച്ചാലും കുഴപ്പമില്ലാതെയായി.
പിന്നീട് സൂപ്പര്‍ ഗുലാനെന്ന് പറഞ്ഞ് കോമിക്ക് വരെ ഇറങ്ങിയില്ലേ. ആ സിനിമ മമ്മൂക്ക കുട്ടികളെ പോലെ വളരെ ഈസിയായി ബിഹേവ് ചെയ്ത പടമായിരുന്നു. എനിക്ക് തോന്നുന്നത് മമ്മൂക്ക ഇടത് കൈ കൊണ്ട് അഭിനയിച്ച ഒരു പടം കൂടെയാണ് ഗുലാന് എന്നാണ്. ഇടിയൊക്കെ ഇടത് കൈ കൊണ്ടായിരുന്നു. എനിക്ക് മമ്മൂക്കയെ ഒരു കുട്ടിയായി കാണാനാണ് ഇഷ്ടം, മുഹമ്മദ് കുട്ടി (ചിരി),’ ജോണി ആന്റണി പറയുന്നു.
Content Highlight: Johny Antony Talks About Mammootty And Thuruppugulan Movie