ലോകമെങ്ങും കൊവിഡ് പടര്‍ന്ന സാഹചര്യത്തില്‍ ആരാധകര്‍ കാത്തിരുന്ന കിയ്‌നു റീവ്‌സിന്റെ ജോണ്‍ വിക്ക് 4 ന്റെ റിലീസിംഗ് മാറ്റി വെച്ചു. 2022 മെയ് 22 നാണ് ജോണ്‍ വിക്ക് 4 തിയറ്ററുകളിലെത്തുക. 2021 മെയ് 21 ന് ചിത്രം തിയ്യറ്ററിലെത്തിക്കാനായിരുന്നു അണിയറ പ്രവര്‍ത്തകര്‍ ഉദ്ദേശിച്ചിരുന്നത്.
കൊവിഡ്-19 കാരണം ഷൂട്ടിംഗും പോസ്റ്റ് പ്രൊഡക്ഷന്‍ വര്‍ക്കുകളും പൂര്‍ത്തീകരിക്കാന്‍ കഴിയാത്തതിനാലും കൊവിഡ് നിയന്ത്രണ വിധേയമാവാതെ റിലീസ് ചെയ്താലുണ്ടാകുന്ന സാമ്പത്തിക നഷ്ടവും കണക്കിലെടുത്ത് നിരവധി ഹോളിവുഡ് സിനിമകളാണ് ഇതിനോടകം റിലീസ് മാറ്റി വെച്ചത്.
റിയാന്‍ റെയ്‌നോള്‍ഡ്‌സും സാമുവല്‍ എല്‍. ജാക്‌സണും വീണ്ടും ഒരുമിക്കുന്ന ദ ഹിറ്റ്മാന്‍സ് വൈഫ്‌സ് ബോഡിഗാര്‍ഡ് ഈ വര്‍ഷം ആഗസ്റ്റ് 28 ന് റിലീസ് ചെയ്യാനിരുന്നതായിരുന്നു. അടുത്ത വര്‍ഷം ആഗസ്റ്റ് 21 ലേക്കാണ് ഈ ചിത്രത്തിന്റെ റിലീസ് മാറ്റി വെച്ചിരിക്കുന്നത്. കായിക താരം കുര്‍ത് വാര്‍ണറുടെ ബയോപിക്കായ അമേരിക്കന്‍ അണ്ടര്‍ ഡോഗ് 2021 ഡിസംബര്‍ 10 ലേക്കാണ് റിലീസ് മാറ്റി വെച്ചിരിക്കുന്നത്. തിയറ്റര്‍ റിലീസ് നിലവില്‍ സാധ്യമാവാത്ത സാഹചര്യത്തില്‍ ചില ഹോളിവുഡ് ചിത്രങ്ങള്‍ ഓണ്‍ലൈന്‍ പ്ലാറ്റ്ഫറോമിലൂടെയാണ് റിലീസ് ചെയ്യുന്നത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.