ഏഷ്യന്‍ ഗെയിംസ്: ജിത്തു റായ് പുറത്ത്
ഡൂള്‍ന്യൂസ് ഡെസ്‌ക്
Sunday, 21st September 2014, 5:19 pm
[] ഇഞ്ചിയോണ്‍: ഏഷ്യന്‍ ഗെയിംസ് സ്വര്‍ണ മെഡല്‍ ജേതാവ് ജിത്തു റായ് പുറത്തായി. പുരുഷ വിഭാഗം 10 മീറ്റര്‍ എയര്‍പിസ്റ്റള്‍ ടീം ഇനത്തില്‍ ഇന്ത്യ വെങ്കലം നേടിയെങ്കിലും ഫൈനലില്‍ അഞ്ചാം സ്ഥാനത്തേക്ക് പിന്തള്ളപ്പെട്ടതാണ് ജിത്തുവിന് തിരിച്ചടിയായത്.
ആദ്യ റൗണ്ടുകളില്‍ ലീഡ് ചെയ്തിരുന്ന ജിത്തു റായ് പതിമൂന്നാം റൗണ്ടിലെ ഷോട്ടില്‍ വന്ന പിഴവിലൂടെയാണ് റാങ്കിങ്ങില്‍ പിന്നിലായത്. കൊറിയയുടെ കിങ് ചോങാണ് ഈ ഇനത്തില്‍ സ്വര്‍ണം നേടിയത്.
ഷൂട്ടിംഗ് ലോകറാംഗിങില്‍ ജിത്തു അഞ്ചാം സ്ഥാനക്കാരനായ ജിത്തു റായ് 50 മീറ്റര്‍ എയര്‍പിസ്റ്റള്‍ വിഭാഗത്തില്‍ ഇന്ത്യക്കു വേണ്ടി സ്വര്‍ണം നേടിയിരുന്നു. അതേസമയം
ഏഷ്യന്‍ ഗെയിംസില്‍ ഇന്ത്യക്ക് വേണ്ടി സ്വര്‍ണമെഡല്‍ നേടിയ ജിത്തുവിന്് ഉത്തര്‍പ്രദേശ് സര്‍ക്കാര്‍ 50 ലക്ഷം രൂപ പാരിതോഷികം പ്രഖ്യാപിച്ചു. മുഖ്യമന്ത്രി അഖിലേഷ് യാദവാണ് ഇക്കാര്യം അറിയിച്ചത്.