ഞെട്ടിച്ച് ജിയോ; പ്രൈം ഉപഭോക്താക്കള്‍ക്ക് സന്തോഷ വാര്‍ത്ത

ജിയോ പ്രൈം മെമ്പര്‍ഷിപ്പ് എടുത്തവര്‍ക്ക് ജിയോ സേവനം ഇനി ഒരു വര്‍ഷത്തേക്കുകൂടി സൗജന്യമായി നല്‍കാന്‍ ജിയോ തീരുമാനിച്ചു.
കഴിഞ്ഞ കൊല്ലം 99 രൂപയ്ക്ക് ജിയോ പ്രൈമില്‍ അംഗത്വമെടുത്തവര്‍ക്കാണ് ഈ ആനുകൂല്യം. നേരത്തെ റിലയന്‍സ് അറിയിച്ചത് ഈ ആനുകൂല്യം 2018 മാര്‍ച്ച് 31 വരെയെന്നാണ്.

എന്നാല്‍ ഇത് ഒരു വര്‍ഷത്തേക്കു കൂടി നീട്ടി 2019 മാര്‍ച്ച് 31 വരെയാക്കി. പുതിയ കസ്റ്റമേഴ്സിനെ ആകര്‍ഷിക്കാന്‍ വേണ്ടി പുതിയ ഡാറ്റാ പാക്കുകള്‍ ഇനിയും പ്രതീക്ഷിക്കാമെന്നും ജിയോ പറയുന്നു.

Also Read:  ഓര്‍ഡര്‍ ചെയ്ത ഫോണ്‍ എത്താന്‍ വൈകി; ഫ്‌ളിപ്പ് കാര്‍ട്ട് ഡെലിവെറി ബോയിയെ യുവതി കുത്തി

99രൂപയ്ക്ക് റീചാര്‍ജ് ചെയ്ത് ജിയോ പ്രൈമില്‍ ഇനിയും അംഗമാവാമെന്നും, മികച്ച ഓഫറുകള്‍ അനുഭവിക്കാമെന്നും ജിയോ പറയുന്നു. ഇന്ത്യയില്‍ എല്ലായിടത്തും ഡിജിറ്റല്‍ സാക്ഷരതയാണ് തങ്ങളുടെ ലക്ഷ്യമെന്നും ജിയോ പറഞ്ഞു.

പുതിയ ഓഫറുകള്‍ ലഭിക്കണമെങ്കില്‍ പ്രൈം മെമ്പര്‍ഷിപ്പ് അനിവാര്യമാണ്. പ്രൈം മെമ്പര്‍ഷിപ്പ് എടുക്കുന്നവര്‍ക്ക് മറ്റ് ഇന്റര്‍നെറ്റ് ദാതാക്കളെ അപേക്ഷിച്ച് 20 ശതമാനം താഴ്ന്ന നിരക്കില്‍ ഡാറ്റാ ഉപയോഗിക്കാം.

ജിയോ മൂവീസ്, ജിയോ മ്യൂസിക്, ജിയോ ടിവി, ജിയോ ന്യൂസ് എന്നീ ആപ്പുകളെല്ലാം തന്നെ പ്രൈം ഉപഭേക്താക്കള്‍ക്ക് മാത്രമാണ് ലഭ്യമായിട്ടുള്ളത്.

Watch This Video: