കൊച്ചി: മുന്‍ പരിശീലകന്‍ റെനെ മ്യുളന്‍സ്റ്റീനിന്റെ ആരോപണത്തില്‍ പ്രതികരണവുമായി കേരളാ ബ്ലാസ്റ്റേഴ്സ് ക്യാപ്റ്റന്‍ സന്ദേശ് ജിങ്കന്. താനൊരു മദ്യപാനിയാണെന്ന് പറഞ്ഞാല്‍ ആരെങ്കിലും വിശ്വസിക്കുമോ എന്നായിരുന്നു ജിങ്കന്റെ പ്രതികരണം. ജിങ്കന് ഒട്ടും പ്രഫഷണല്‍ അല്ലെന്നും മദ്യപാനിയാണെന്നുമായിരുന്നു റെനെയുടെ ആരോപണം.
കേരള ബ്ലാസ്റ്റേഴ്സ് നായകന്‍ സന്ദേശ് ജിംഗാന്‍ മദ്യപാനിയാണെന്നുള്ള മുന്‍ പരിശീലകന്‍ റെനെ മ്യൂള്‍സ്റ്റൈന്റെ പ്രസ്താവനയ്ക്കെതിരെ സൂപ്പര്‍ താരം സി.കെ വിനീത് ഇന്നലെ രംഗത്തെത്തിയിരുന്നു. മ്യൂളന്‍സ്റ്റീനിന്റെ ആരോപണം അടിസ്ഥാനരഹിതമാണെന്നാണ് വിനീത് പറഞ്ഞതു.
“ഇത്തരം ആരോപണങ്ങള്‍ അടിസ്ഥാനരഹിതമാണ്. ഗോള്‍ നേടിയപ്പോള്‍ താന്‍ റിനോ ആന്റോയുമായി ചേര്‍ന്ന് ആഘോഷിച്ചത് ജിങ്കന് പിന്തുണ നല്‍കികൊണ്ടാണ്. മ്യൂളന്‍സ്റ്റീനിന്റെ ആരോപണങ്ങള്‍ക്ക് നാളെ വിശദമായി മറുപടി നല്‍കും.”
.@ckvineeth celebrates with @rinoanto after that all-important equaliser!
Watch it LIVE on @hotstartweets: https://t.co/YFSJNk4BeZ
JioTV users can watch it LIVE on the app. #ISLMoments #KERGOA #LetsFootball pic.twitter.com/ryq7ufXpST— Indian Super League (@IndSuperLeague) January 21, 2018
മുഴുവന്‍ താരങ്ങളും മാനേജ്മെന്റും ജിംഗാനൊപ്പമാണെന്നും വിനീത് പ്രതികരിച്ചു. നേരത്തെ ബ്ലാസ്റ്റേഴ്സിന്റെ തുടര്‍തോല്‍വികള്‍ക്ക് പിന്നാലെ പരിശീലകനായ റെനെ രാജിവെച്ച് പുറത്ത് പോയിരുന്നു.
ജിങ്കന് കടുത്ത മദ്യപാനിയും പ്രഫഷണലിസം ഒട്ടും ഇല്ലാത്ത താരവുമാണെന്നാണ് റെനെ കഴിഞ്ഞ ദിവസം തുറന്നടിച്ചത്. മികച്ച നായകനാണ് താനെന്നാണ് ജിങ്കന്റെ വിശ്വാസമെങ്കില്‍ താനങ്ങനെ കരുതുന്നില്ലെന്നും മ്യൂളന്‍സ്റ്റീന്‍ പറഞ്ഞു. ഗോവയോട് 2-5ന് തോറ്റിട്ടും ജിങ്കന് നൈറ്റ് പാര്‍ട്ടിയില്‍ പങ്കെടുത്ത് പുലര്‍ച്ചെ നാല് മണിവരെ മദ്യപിച്ചതായി മ്യൂളന്‍സ്റ്റീന്‍ കുറ്റപ്പെടുത്തി.
റെനെ രാജിവെച്ചതിനുശേഷം ടീമിന്റെ പരിശീലകസ്ഥാനത്തെത്തിയ മുന്‍ നായകനും പരിശീലകനുമായ ഡേവിഡ് ജയിംസിനു കീഴില്‍ മികച്ച പ്രകടനമാണ് ബ്ലാസ്റ്റേഴ്സ് കാഴ്ചവെക്കുന്നത്. അതേസമയം ഇന്നലെ എഫ്.സി ഗോവയ്ക്കെതിരെ കൊച്ചിയില്‍ നടന്ന മത്സരത്തില്‍ ബ്ലാസ്റ്റേഴ്സ് പരാജയപ്പെട്ടിരുന്നു.