വെള്ളിത്തിരയില്‍ നായകനായി മിഥുന്‍ രമേശ്; ജിമ്മി ഈ വീടിന്റെ ഐശ്വര്യത്തിലെ കല്ല്യാണപ്പാട്ട് പുറത്തിറങ്ങി
എന്റര്‍ടെയിന്‍മെന്റ് ഡെസ്‌ക്
Thursday, 14th November 2019, 8:38 pm
കൊച്ചി: നടനും അവതാരകനുമായ മിഥുന്‍ രമേശ് അദ്യമായി നായകനാവുന്ന ‘ജിമ്മി ഈ വീടിന്റെ ഐശ്വര്യം” എന്ന ചിത്രത്തിലെ കല്ല്യാണപ്പാട്ട് പുറത്തിറങ്ങി. ഗോള്‍ഡന്‍ എസ് പിക്‌ചേഴ്സ് ബാനറില്‍ ശ്യാംകുമാര്‍,സിനോ ജോണ്‍ തോമസ് എന്നിവര്‍ നിര്‍മ്മിച്ച രാജു ചന്ദ്ര തിരക്കഥയെഴുതി സംവിധാനം ചെയ്യുന്ന ചിത്രത്തിലെ ഗാനം പുറത്തുവിട്ടത് മമ്ത മോഹന്‍ദാസ്, നൈല ഉഷ, ഐശ്വര്യ ലക്ഷ്മി എന്നിവരാണ്.
വിജയ് യേശുദാസ് ആലപിച്ചിരിക്കുന്ന ഗാനത്തിന് സംഗീതം പകര്‍ന്നിരിക്കുന്നത് എം.ജയചന്ദ്രനാണ്. സന്തോഷ് വര്‍മയുടെതാണ് വരികള്‍. പൂര്‍ണമായും ദുബായില്‍ ചിത്രീകരിച്ച ചിത്രമാണ് ജിമ്മി ഈ വീടിന്റെ ഐശ്വര്യം.
