ഇത് കണ്ട് ചിരിച്ചില്ലെങ്കില്‍ നിങ്ങള്‍ക്ക് എന്തോ കുഴപ്പമുണ്ട്; മോശം പന്തില്‍ നേടിയ വിക്കറ്റിനെ അഭിനന്ദിച്ച് കിവീസ് താരം
സ്പോര്‍ട്സ് ഡെസ്‌ക്
Thursday, 30th March 2023, 4:20 pm
ക്രിക്കറ്റിന്റെ ചരിത്രത്തില്‍ തന്നെ ഏറ്റവും വിചിത്രമായ ഡിസ്മിസ്സലായിരുന്നു പാക് താരം സെയ്ന്‍ അബ്ബാസിന്റേത്. 2019ലെ നാഷണല്‍ ടി-20 കപ്പ് മാച്ചിലെ താരത്തിന്റെ പുറത്താവലാണ് ഇപ്പോള്‍ വീണ്ടും ചര്‍ച്ചയാകുന്നത്.
മത്സരത്തില്‍ മുഹമ്മദ് ഇല്യാസ് എറിഞ്ഞ വൈഡ് ബോളില്‍ ഒരു കാരണവുമില്ലാതെ ബാറ്റ് വെച്ച് കൊടുത്താണ് താരം പുറത്തായത്. ലെഗ് സൈഡിലേക്ക് പോയ പന്തില്‍ അനാവശ്യമായി ബാറ്റ് വെച്ച അബ്ബാസ് വിക്കറ്റ് കീപ്പര്‍ക്ക് ക്യാച്ച് നല്‍കി പുറത്താവുകയായിരുന്നു.
അന്ന് ക്രിക്കറ്റ് ലോകത്ത് ഏറെ ചര്‍ച്ച ചെയ്യപ്പെട്ട ഈ സംഭവം മൂന്ന് വര്‍ഷങ്ങള്‍ക്കിപ്പുറം വീണ്ടും ചര്‍ച്ചയാവുകയാണ്. ന്യൂസിലാന്‍ഡ് സൂപ്പര്‍ താരം ജിമ്മി നീഷം ബൗളറെ അഭിനന്ദിച്ച് ഈ വീഡിയോ പങ്കിട്ടതോടെയാണ് ക്രിക്കറ്റ് ലോകത്തെ ചിരിപ്പിച്ച വീഡിയോ വീണ്ടും വൈറലായത്.
