ന്യൂയോര്‍ക്ക്: സോഷ്യല്‍ മീഡിയയില്‍ തരംഗം സൃഷ്ടിച്ച ജിമിക്കീം കമ്മലും പാട്ടിന് പുതിയൊരു ആരാധകനിതാ. ആരെന്നല്ലേ.. കക്ഷിയുടെ പേര് ജിമ്മി കിമ്മല്‍. അമേരിക്കയിലെ പ്രശസ്തനായ ടെലിവിഷന്‍ അവതാരകനും കൊമേഡിയനുമാണ് ജിമ്മി കിമ്മല്‍. പാട്ട് തനിക്ക് ഇഷ്ടമായെന്ന് താരം സോഷ്യല്‍ മീഡിയയിലൂടെയാണ് അറിയിച്ചത്.
മോഹന്‍ലാല്‍-ലാല്‍ ജോസ് കൂട്ടുകെട്ടില്‍ പിറന്ന വെളിപാടിന്റെ പുസ്തകത്തിലെ ഗാനം സോഷ്യല്‍ മീഡിയയില്‍ വന്‍ തരംഗമായിരുന്നു. ഗാനത്തിന് ചുവടു വെച്ചു കൊണ്ട് നിരവധി പേരാണ് ജിമിക്കീം കമ്മലും ചലഞ്ചില്‍ പങ്കെടുത്തത്. കേരളത്തിന് പുറത്തു നിന്നുവരെ ആരാധകര്‍ ഡാന്‍സ് ചെയ്ത വീഡിയോ സോഷ്യല്‍ മീഡിയയിലൂടെ പങ്കുവെച്ചിരുന്നു.
ചില റീ ക്രീയേഷന്‍ വീഡിയോകള്‍ ഒറിജിനലിനേക്കാള്‍ സൂപ്പര്‍ ഹിറ്റായി മാറിയെന്നതാണ് വാസ്തവം. ജിമിക്കീം കമ്മലിന്റേയും ആവേശം ഇപ്പോള്‍ ഹോളിവുഡിലും എത്തിയിരിക്കുകയാണ്. ജിമിക്കീം കമ്മലും ജിമ്മി കിമ്മല്‍ എന്ന പേരിലെ സാമ്യതയുടെ പേരിലാണ് ഹോളിവുഡ് ലോകത്ത് ചര്‍ച്ചയായത്.
വരുണ്‍ എസ് കുമാര്‍ എന്നയാളാണ് ഈ സാമ്യത ചൂണ്ടിക്കാണിച്ച് ജിമ്മി കിമ്മലിന് ഗാനത്തിന് ചുവടു വെക്കുന്ന പെണ്‍കുട്ടികളുടെ വീഡിയോ ഷെയര്‍ ചെയ്തത്. പിന്നാലെ താരം പ്രതികരണവുമായി എത്തുകയായിരുന്നു. ജിമിക്കീം കമ്മലും ഇതുവരേയും കിട്ടിയില്ലെങ്കിലും ഇതെനിക്ക് ഒരുപാട് ഇഷ്ടമായെന്നായിരുന്നു ജിമ്മി കിമ്മലിന്റെ പ്രതികരണം.
പിന്നാലോ നിരവധി അമേരിക്കന്‍ താരങ്ങളാണ് വീഡിയോ ഷെയര്‍ ചെയ്തും ജിമ്മിയെ ട്രോളിയും രംഗത്തെത്തിയത്.
ചില കമന്റുകള്‍ കാണാം