കാർത്തിക് സുബ്ബരാജ് സംവിധാനം ചെയ്യുന്ന ജിഗർ താൻഡാ എന്ന ചിത്രത്തിന്റെ ഷൂട്ടിങ് പൂർത്തിയായി. ചിത്രത്തിന്റെ മുഴുവൻ ക്രൂ അംഗങ്ങൾക്കുമൊപ്പം കേക്ക് മുറിക്കുന്ന വീഡിയോ കാർത്തിക് സുബ്ബരാജ് തന്റെ സോഷ്യൽ മീഡിയ പേജിൽ പങ്കുവെച്ചു.
View this post on Instagram
ഇറ്റ് ഈസ് എ റാപ് ഫോർ ജിഗർ താൻഡാ ഡബിൾ എക്സ്, സീ യൂ ഇൻ തിയേറ്റർ (തിയേറ്ററിൽ കാണാം) എന്ന ക്യാപ്ഷ്യനോടെയാണ് അദ്ദേഹം വീഡിയോ സോഷ്യൽ മീഡിയയിൽ പങ്കുവെച്ചത്.
പൊള്ളയായ മരത്തിന്റെ ഒരറ്റത്തുനിന്നും 12 /12 /2022 എന്ന ഡേറ്റ് എഴുതികാണിച്ച് മരത്തിന്റെ അവസാനം എത്തുമ്പോൾ 28 /06 /2022 എന്ന തിയതി കാണിക്കുന്നു. ഷൂട്ടിങ് തുടങ്ങിയ ദിവസത്തെയും അത് അവസാനിച്ച ദിവസത്തെയുമാണ് ഈ വീഡിയോയിലൂടെ കാണിച്ചിരിക്കുന്നത്. മുഴുവൻ അംഗങ്ങളും അടങ്ങുന്ന ഷൂട്ടിങ് സെറ്റിൽ ആഘോഷപൂർവ്വമാണ് പാക്കപ്പ് പരിപാടി നടത്തിയിരിക്കുന്നത്. ദീപാവലിക്ക് ചിത്രം തിയേറ്ററിൽ എത്തും.
പ്രൊഡക്ഷൻ കമ്പനിയായ 5 സ്റ്റാർ ക്രിയേഷൻ ആൻഡ് സ്റ്റോൺ ബെഞ്ചേഴ്‌സ് ചിത്രവുമായി ബന്ധപ്പെട്ട വീഡിയോ മെയ് മാസം പുറത്തുവിട്ടിരുന്നു. ചിത്രത്തിലെ ഗാനങ്ങൾ ഒരുക്കുന്നത് സന്തോഷ് നാരായണൻ ആണ്. സിദ്ധാർഥും ബോബി സിംഹയും പ്രധാന കഥാപാത്രത്തെ അവതരിപ്പിച്ച ഹിറ്റ് ചിത്രം ജിഗർ താൻഡായുടെ പിന്തുടർച്ചയാണ് ജിഗർ താൻഡാ ഡബിൾ എക്സ്.
കലയും കുറ്റകൃത്യങ്ങളും കൂടി കലരുമ്പോൾ എന്ത് സംഭവിക്കും എന്ന ആശയത്തെ മുൻനിർത്തി ഒരു ഫ്രാഞ്ചൈസി ആയി ചിത്രം മാറാൻ താൻ ആഗ്രഹിക്കുന്നുണ്ടെന്ന് ഗലാട്ട മീഡിയക്ക് നൽകിയ അഭിമുഖത്തിൽ കാർത്തിക് സുബ്ബരാജ് പറഞ്ഞിരുന്നു. രണ്ട് വ്യത്യസ്തമായ ലോകങ്ങൾ ഒന്നിക്കുന്നതും അവ തമ്മിൽ എങ്ങനെ തമ്മിൽ സ്വാധീനിക്കുന്നുണ്ടെന്ന് ചിത്രം ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.
കാർത്തിക്ക് സുബ്ബരാജ് തിരക്കഥയും സംവിധാനവും നിർവഹിക്കുന്ന ചിത്രത്തിൽ നിമിഷ സജയൻ, എസ്.ജെ സൂര്യ, രാഘവ ലോറൻസ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
Content Highlights: Jigarthanda Double X movie Pack up