വൈറല്‍ കളര്‍ഫുള്‍ ഡാന്‍സ് വീഡിയോയുമായി താരങ്ങള്‍; ഒരു മില്യണ്‍ കാഴ്ചക്കാരുമായി ജിഗര്‍ പാര്‍ട്ടി
എന്റര്‍ടെയിന്‍മെന്റ് ഡെസ്‌ക്
Saturday, 17th September 2022, 5:52 pm
സൈന മ്യൂസിക് ഒര്‍ജിന്‍സ് ഒരുക്കിയ ജിഗര്‍ പാര്‍ട്ടി സെപ്റ്റംബര്‍ മൂന്നിനാണ് റിലീസ് ചെയ്തത്. ഗായകനും അഭിനേതാവുമായ സിദ്ധാര്‍ഥ് മേനോന്‍, ചലച്ചിത്ര നടി ദീപ്തി സതി, നായികാ നായകന്‍ എന്ന റിയാലിറ്റി ഷോയിലൂടെ ശ്രദ്ധയനായ ആഡിസ് അന്തോണി അക്കര, സോഷ്യല്‍ മീഡിയ താരം ചൈതന്യ പ്രകാശ് എന്നിവര്‍ ആണ് പാട്ടിലെത്തിയിരുന്നത്.
റിലീസായി ദിവസങ്ങള്‍ക്കുള്ളില്‍ തന്നെ വണ്‍ മില്യന്‍ വ്യൂസും ആയി മുന്നേറുകയാണ് ജിഗര്‍ പാര്‍ട്ടി എന്ന മ്യൂസിക് വീഡിയോ. അഖില്‍ അനില്‍കുമാര്‍ സംവിധാനം ചെയ്ത ഈ വീഡിയോ ഗാനത്തിന്റെ ഛായാഗ്രഹണം നിര്‍വഹിച്ചിരിക്കുന്നത് ഹിമല്‍ മോഹന്‍ ആണ്.
