റാഞ്ചി: ജാര്‍ഖണ്ഡിലെ നിയമസഭാ തെരഞ്ഞെടുപ്പിലെ ബി.ജെ.പിയുടെ പരാജയം അംഗീകരിച്ച് അമിത്ഷാ ഇന്നലെ രംഗത്തെത്തിയിരുന്നു. ജെ.എം.എം. നേതാവ് ഹേമന്ത് സോറനെ അഭിനന്ദിച്ച് പ്രധാനമന്ത്രി നരേന്ദ്ര മോദിയും രംഗത്തെത്തിയിരുന്നു.
പാര്‍ലമെന്റില്‍ പാസാക്കിയ പൗരത്വ ഭേദഗതി നിയമത്തിനെതിരെ രാജ്യത്ത് ശക്തമായ പ്രതിഷേധം നടന്നു കൊണ്ടിരിക്കുകയാണ്. ജാര്‍ഖണ്ഡ് തെരെഞ്ഞെടുപ്പ് പ്രചരണത്തിനിടയില്‍ മോദിയും അമിത്ഷായും നടത്തിയ പ്രധാനപ്പെട്ട മൂന്ന് പ്രസ്താവനകള്‍ ബി.ജെ.പിയുടെ തെരഞ്ഞെടുപ്പ് പരാജയം വെളിവാക്കുന്ന സാഹചര്യത്തില്‍ പ്രധാന്യമര്‍ഹിക്കുന്നു.
രാമക്ഷേത്രത്തിന്റെ പണി നാലു മാസത്തിനുള്ളില്‍ തുടങ്ങുമെന്ന് അമിത് ഷാ പ്രഖ്യാപിച്ചത് ജാര്‍ഖണ്ഡിലെ തെരഞ്ഞെടുപ്പ് റാലിയിലാണ്.
ഡിസംബര്‍ 16ന് ജാര്‍ഖണ്ഡിലെ പാകൂറില്‍ വെച്ച് സംസാരിക്കവെയായിരുന്നു അമിത്ഷാ യുടെ പ്രഖ്യാപനം.
സുപ്രീം കോടതി വിധി പറഞ്ഞു കഴിഞ്ഞു. ഇനി നാലു മാസത്തിനുള്ളില്‍ ആകാശം മുട്ടുന്ന രാമക്ഷേത്രം അയോധ്യയില്‍ നിര്‍മിക്കും- അമിത് ഷാ പറഞ്ഞു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഡിസംബര്‍ 17ന് പ്രധാനമന്ത്രി നരേന്ദ്ര മോദി ജാര്‍ഖണ്ഡില്‍ നടന്ന തെരഞ്ഞെടുപ്പ് പ്രചാരണ പരിപാടിയിലാണ് പ്രതിഷേധക്കാരെ അവരുടെ വസ്ത്രം കൊണ്ട് തിരിച്ചറിയാം എന്ന് പറഞ്ഞത്.
പൗരത്വ ഭേദഗതി നിയമം പാസാക്കിയതിന് പിന്നാലെ രാജ്യത്താകമാനം പ്രതിഷേധങ്ങള്‍ നടക്കുന്ന സാഹചര്യത്തിലായിരുന്നു പ്രധാനമന്ത്രിയുടെ ‘വസ്ത്രം കൊണ്ട് തിരിച്ചറിയാം’ എന്ന പ്രസ്താവന.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
അന്‍സാരിമാര്‍ ജയിച്ചാല്‍ രാമക്ഷേത്രം എങ്ങനെ നിര്‍മിക്കും എന്ന് കോണ്‍ഗ്രസ് സ്ഥാനാര്‍ത്ഥി ഇര്‍ഫാന്‍ അന്‍സാരിയെ ഉദ്ദേശിച്ച് യോഗി ആദിത്യനാഥ് പ്രസംഗിച്ചതും ജാര്‍ഖണ്ഡിലെ തെരഞ്ഞെടുപ്പ് റാലിയിലായിരുന്നു. ഗ്രാമം മൊത്തം ബി.ജെ.പിക്ക് വോട്ടു ചെയ്യുമെന്നും യോഗി ആദ്യത്യനാഥ് പറഞ്ഞിരുന്നു.
എന്നാല്‍ ജമാത്ര മണ്ഡലത്തില്‍ നിന്നും മത്സരിച്ച അന്‍സാരി ബി.ജെ.പിയുടെ വിരേന്ദ്ര മണ്ഡാളിനെതിരെ മുപ്പതിനായിരത്തിലധികം വോട്ടിന്റെ ഭൂരിപക്ഷത്തിലായിരുന്നു ജയിച്ചത്.
ജാര്‍ഖണ്ഡു കൂടി നഷ്ടമായതോടു കൂടി 2018 മാര്‍ച്ചില്‍ 21 സംസ്ഥാനങ്ങളില്‍ ഭരണമുണ്ടായിരുന്ന ബിജെപി 15 മണ്ഡലങ്ങളിലേക്ക് ചുരുങ്ങി.