അടിയന്തരാവസ്ഥയില്‍ പോലും ഇത് നടക്കില്ല; ഈ പീഡനം ജി.എന്‍ സായിബാബയ്ക്ക് വേണ്ടി സംസാരിച്ചതുകൊണ്ട്; ഹാനി ബാബുവിന്റെ ഭാര്യ
ഡൂള്‍ന്യൂസ് ഡെസ്‌ക്
Wednesday, 29th July 2020, 11:06 am
ദല്‍ഹി: ദല്‍ഹി യൂണിവേഴ്‌സിറ്റിയിലെ അധ്യാപകനും മനുഷ്യാവകാശ പ്രവര്‍ത്തകനുമായ ഹാനി ബാബുവിന്റെ അറസ്റ്റില്‍ എന്‍.ഐ.എക്കെതിരെ ഭാര്യ ജെന്നി റൊവേന. ഹാനി ബാബുവിന് എല്‍ഗര്‍ പരിഷത്ത് സംഘടിപ്പിച്ചതുമായി ബന്ധമില്ലെന്നും തെളിവെടുപ്പിന് വിളിച്ചുകൊണ്ടുപോയ ശേഷം എന്‍.ഐ.എ അറസ്റ്റ് ചെയ്യുകയായിരുന്നെന്നും ജെന്നി പറഞ്ഞു. ദല്‍ഹി യൂണിവേഴ്‌സിറ്റിയിലെ പ്രൊഫസര്‍ ജി.എന്‍ സായിബാബയ്ക്ക് വേണ്ടി സംസാരിച്ചതുകൊണ്ടാണ് ഇത്തരത്തില്‍ പീഡിപ്പിക്കുന്നതെന്നും അടിയന്തരാവസ്ഥയില്‍ പോലും ഇത് നടക്കില്ലല്ലെന്നും ജെന്നി പറഞ്ഞു.
പിടിച്ചു കൊണ്ടു പോയ കംപ്യൂട്ടറിലെ രേഖകളാണ് ഹാനി ബാബുവിന് എതിരായ തെളിവാണെന്നാണ് എന്‍.ഐ.എ വിശദമാക്കുന്നത്. എന്നാല്‍ നിരോധിച്ച രേഖകളോ പുസ്തകങ്ങളോ പിടിച്ചിട്ടില്ലെന്ന് ജെന്നി പറഞ്ഞു. ഏഷ്യാനെറ്റ് ന്യൂസിനോടായിരുന്നു ജെന്നിയുടെ പ്രതികരണം.
