ലാല്‍ സാര്‍ വീണ്ടും വീണ്ടും പ്ലേ ചെയ്യാന്‍ പറഞ്ഞ ആ സീന്‍ തിയേറ്ററില്‍ ഇംപാക്റ്റ് ഉണ്ടാക്കും, ഉറപ്പ്: ജീത്തു ജോസഫ്
എന്റര്‍ടെയിന്‍മെന്റ് ഡെസ്‌ക്
Tuesday, 19th December 2023, 1:40 pm
തന്റെ മുന്‍ ചിത്രങ്ങള്‍ പോലെ നേരിലും വലിയ ഇംപാക്റ്റ് ഉണ്ടാക്കുന്ന ഒരു സീന്‍ ഉണ്ടെന്നാണ് സംവിധായകന്‍ ജീത്തു ജോസഫ് പറയുന്നത്. ജീത്തു ജോസഫ് സംവിധാനം ചെയ്യുന്ന ഏറ്റവും പുതിയ ചിത്രമാണ് മോഹന്‍ലാല്‍ നായകനാവുന്ന നേര്. ഒരു കോര്‍ട്ട് റൂം ഡ്രാമയായി ഒരുങ്ങുന്ന ചിത്രം തന്റെ മുന്‍ ചിത്രങ്ങളില്‍ നിന്ന് തീര്‍ത്തും വ്യത്യസ്തമായിരിക്കുമെന്ന് ജീത്തു മുന്‍പ് തന്നെ പറഞ്ഞിരുന്നു.
എന്നാല്‍ ചിത്രത്തിലെ ഒരു സീനിനെ കുറിച്ച് പറഞ്ഞിരിക്കുകയാണ് ജീത്തു. വെറുതെയിരുന്നപ്പോള്‍ പെട്ടെന്ന് തനിക്ക് ഒരു ഐഡിയ തോന്നിയെന്നും അത് സിനിമയില്‍ ഉള്‍പ്പെടുത്തിയെന്നും ജീത്തു പറയുന്നു. ഡബ്ബിങ്ങിന് ശേഷം മോഹന്‍ലാല്‍ ആ സീന്‍ ആവര്‍ത്തിച്ചു കണ്ടെന്നും ജിഞ്ചര്‍ മീഡിയയ്ക്ക് നല്‍കിയ അഭിമുഖത്തില്‍ അദ്ദേഹം പറഞ്ഞു.
