ദുരൂഹത ഉണര്‍ത്തി ജീത്തു ജോസഫിന്റെ പുതിയ ചിത്രം 'കൂമന്റെ' മോഷന്‍ പോസ്റ്റര്‍
എന്റര്‍ടെയിന്‍മെന്റ് ഡെസ്‌ക്
Wednesday, 2nd February 2022, 2:45 pm
ജീത്തു ജോസഫ് സംവിധാനം ചെയ്യുന്ന പുതിയ ചിത്രം ‘കൂമന്‍ ദി നൈറ്റ് റൈഡര്‍’ എന്ന ചിത്രത്തിന്റെ മോഷന്‍ പോസ്റ്റര്‍ പുറത്ത്. ഏറെ ദുരൂഹത ഉണര്‍ത്തുന്ന പോസ്റ്ററാണ് അണിയറ പ്രവര്‍ത്തകര്‍ പുറത്തിറക്കിയിരിക്കുന്നത്.
ഭയപ്പെടുത്തുന്ന പശ്ചാത്തലസംഗീതത്തിന്റെ അകമ്പടിയോടെ നിലാവെളിച്ചത്തില്‍ ഒരാള്‍ ഓടുന്നതാണ് പോസ്റ്ററില്‍ കാണുന്നത്. ഒരു മൂങ്ങയും പോസ്റ്ററിലുണ്ട്. ആസിഫ് അലിയാണ് ചിത്രത്തിലെ നായകന്‍. കെ. കൃഷ്ണ കുമാര്‍ തിരക്കഥയെഴുതിയ ചിത്രം അനന്യ ഫിലിംസിന്റെ ബാനറില്‍ ആല്‍വിന്‍ ആന്റണിയാണ് നിര്‍മിക്കുന്നത്.
