ഔഷധ ഗുണമുള്ള നിരവധി ആഹാരങ്ങള്‍ നമ്മുടെ നാട്ടിലുണ്ട്. ഔഷധക്കഞ്ഞി അവയില്‍ ഒന്നാണ്. വിവിധ സുഗന്ധ വ്യഞ്ജനങ്ങള്‍ ചേര്‍ത്തുള്ള നമ്മുടെ നാടന്‍ ഭക്ഷണ രീതികളെല്ലാം തന്നെ ഏറെ ആരോഗ്യപ്രദവുമാണ്. അത്തരത്തിലുള്ള ജീരക കഞ്ഞിയാണ് ഇവിടെ പരിചയപ്പെടുത്തുന്നത്.
ചേരുവകള്‍
അരി- ഒരു കപ്പ്
തേങ്ങ ചിരവിയത്- ഒരു മുറിത്തേങ്ങയുടേത്
പെരുംജീരകം- ഒരു ടീസ്പൂണ്‍
മഞ്ഞള്‍പ്പൊടി- കാല്‍ ടീസ്പൂണ്‍
ചെറിയ ഉള്ളി അരിഞ്ഞത്- നാലെണ്ണം
ഉപ്പ്- പാകത്തിന്
ഉണ്ടാക്കുന്നവിധം
അരി കഴുകിയതിന് ശേഷം വെള്ളത്തിലിട്ട് വേവിക്കുക.
തേങ്ങ, പെരുംജീരകം, മഞ്ഞള്‍പ്പൊടി, ചെറിയ ഉള്ളി എന്നിവ ഒന്നിച്ച് അരച്ചെടുക്കുക
ഇത് കഞ്ഞിയില്‍ ചേര്‍ത്ത് ഇളക്കി തിളപ്പിക്കുക
ആവശ്യത്തിന് ഉപ്പും ചേര്‍ക്കാം