യു.പിയില്‍ വേണമെങ്കില്‍ ഒറ്റയ്ക്ക് മത്സരിക്കും; സമ്മര്‍ദ്ദം ശക്തമാക്കി ജെ.ഡി.യു
ഡൂള്‍ന്യൂസ് ഡെസ്‌ക്
Friday, 1st October 2021, 10:06 am
പട്‌ന: ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ മത്സരിക്കുമെന്ന് ജെ.ഡി.യു. ബി.ജെ.പി തയ്യാറാണെങ്കില്‍ എന്‍.ഡി.എയുടെ ഭാഗമായും അല്ലെങ്കില്‍ ഒറ്റയ്ക്കും മത്സരിക്കുമെന്നാണ് ജെ.ഡി.യുവിന്റെ പ്രഖ്യാപനം.
‘ഞങ്ങള്‍ യു.പിയില്‍ മത്സരിക്കും എന്നതില്‍ യാതൊരു സംശയവും വേണ്ട. ബി.ജെ.പി സഖ്യത്തില്‍ മത്സരിക്കാന്‍ തന്നെയാണ് ഞങ്ങള്‍ ആഗ്രഹിക്കുന്നത്. അത് നടന്നില്ലെങ്കില്‍ ഒറ്റയ്ക്ക് മത്സരിക്കും,’ പാര്‍ട്ടിയുടെ പാര്‍ലമെന്ററി ബോര്‍ഡ് അധ്യക്ഷന്‍ ഉപേന്ദ്ര കുശ്വാഹ പറഞ്ഞു.
യു.പിയില്‍ 13 സീറ്റിലെങ്കിലും ജയിക്കാനാകുമെന്നാണ് കുശ്വാഹയുടെ അവകാശവാദം.
നേരത്തെ യു.പിയില്‍ 200 സീറ്റില്‍ മത്സരിക്കുമെന്ന് ജെ.ഡി.യു പറഞ്ഞിരുന്നു. എന്നാല്‍ പിന്നീട് തീരുമാനത്തില്‍ നിന്ന് പിന്നോക്കം പോയി.
