വാര്‍ത്ത വായിച്ചു കഴിഞ്ഞ ശേഷം മമ്മൂട്ടി വിളിച്ച് അഭിനന്ദിച്ചു; ആദ്യമായി ചാനലില്‍ വാര്‍ത്ത വായിച്ച ഓര്‍മ പങ്കുവെച്ച് ജയറാം
എന്റര്‍ടെയിന്‍മെന്റ് ഡെസ്‌ക്
Saturday, 21st August 2021, 8:58 pm
തിരുവനന്തപുരം: ആദ്യമായി ടെലിവിഷനില്‍ വാര്‍ത്ത വായിച്ചതിന്റെ അനുഭവം പങ്കുവെക്കുകയാണ് നടന്‍ ജയറാം. 2006ല്‍ തിരുവോണ നാളില്‍ ഏഷ്യാനെറ്റിന് വേണ്ടിയാണ് ജയറാം വാര്‍ത്താ അവതാരകനായി എത്തിയത്.
ഇന്ന്, തിരുവോണ നാളിന്റെ ഭാഗമായി ഗായകനായ ജയചന്ദ്രന്‍ വാര്‍ത്ത അവതരിപ്പിച്ച പ്രത്യേക പരിപാടിയിലാണ് ജയറാം തന്റെ വാര്‍ത്താ അനുഭവം പങ്കുവെച്ചത്.
” വാര്‍ത്ത വായിക്കാന്‍ എത്തിയപ്പോള്‍ എങ്ങനെ വായിക്കണം എന്ന ടെന്‍ഷന്‍ ഉണ്ടായിരുന്നു. വര്‍ത്തമാനം പറയും പോലെ നമുക്ക് വാര്‍ത്ത വായിക്കാന്‍ പറ്റില്ലല്ലോ. കാര്യങ്ങള്‍ ജനങ്ങളിലേക്ക് എത്തണം, വാര്‍ത്തകള്‍ക്ക് വ്യക്തതയും കൃത്യതയും ഉണ്ടാവണം തുടങ്ങിയ ടെന്‍ഷന്‍ ഉണ്ടായിരുന്നു,’ ജയറാം പറയുന്നു.
