ഇത്തവണ ജയറാമും ഭാവനയുമില്ല; വിന്ററിന് രണ്ടാം ഭാഗം ഒരുങ്ങുന്നു
എന്റര്‍ടെയിന്‍മെന്റ് ഡെസ്‌ക്
Monday, 17th July 2023, 11:45 pm
ജയറാമും ഭാവനയും മുഖ്യ വേഷത്തില്‍ എത്തിയ ‘വിന്റര്‍’ എന്ന ഹൊറര്‍ ചിത്രത്തിന് രണ്ടാം ഭാ?ഗം ഒരുങ്ങുന്നു. സംവിധായകന്‍ ദീപു കരുണാകരന്‍ ആണ് ഇക്കാര്യം അറിയിച്ചത്.
ചിത്രത്തിലേത് പുതിയ കഥയാണെന്നും അതുകൊണ്ട് ജയറാമും ഭാവനയും രണ്ടാം ഭാ?ഗത്തില്‍ ഉണ്ടാകില്ലെന്നും അദ്ദേഹം പറഞ്ഞു. ഓ?ഗസ്റ്റ് പതിനേഴിനാണ് ചിത്രത്തിന്റെ ഷൂട്ടിംങ് ആരംഭിക്കുക. അണിയറ പ്രവര്‍ത്തകരെയും അഭിനേതാക്കളെയും സംബന്ധിച്ച വിവരങ്ങള്‍ ഉടന്‍ പുറത്തുവിടും. പൂര്‍ണമായും ഹൊറര്‍ ത്രില്ലര്‍ ആയിരിക്കും ചിത്രമെന്നും സംവിധായകന്‍ പറയുന്നു.
2009 ജൂലൈയിലാണ് വിന്റര്‍ റിലീസ് ചെയ്തത്. ദീപു കരുണാകന്റെ ആദ്യ സംവിധാന സംരഭം കൂടിയായിരുന്നു ഇത്. അദ്ദേഹത്തിന്റെ തന്നെ ആയിരുന്നു തിരക്കഥയും. ദീപു കരുണാകരന്റെ നേതൃത്ത്വത്തിലുള്ള ലെമണ്‍ പ്രൊഡക്ഷന്‍സാണ് ഈ ചിത്രം നിര്‍മിക്കുന്നത്.
