ചെന്നൈ: അന്തരിച്ച തമിഴ്‌നാട് മുന്‍ മുഖ്യമന്ത്രി ജയലളിതയുടെ ജീവിതം വീണ്ടും വെള്ളിത്തിരയില്‍ എത്തുന്നതിനെക്കുറിച്ച് നിരവധി ചര്‍ച്ചകളാണ് നടക്കുന്നത്. നിരവധി സംവിധായകര്‍ ജയലളിതയുടെ ജീവിതം സിനിമയാക്കുമെന്ന് വെളിപ്പെടുത്തിയിരുന്നു.
ഇപ്പോളിതാ ജയലളിതയുടെ ജീവിതകഥ പറയുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടിരിക്കുകയാണ് സംവിധായകന്‍ എ.ആര്‍ മുരുകദോസ്. ദ അയണ്‍ ലേഡി എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് പ്രിയദര്‍ശിനിയാണ്.
വരലക്ഷ്മി ശരത്കുമാറാണ് ചിത്രത്തില്‍ ജയലളിതയാവുന്നത്. ജയലളിതയ്ക്കുള്ള ആദരവായിരിക്കും തങ്ങളുടെ സിനിമ എന്നാണ് പ്രിയദര്‍ശിനി പറയുന്നത്. തമിഴിന് പുറമെ തെലുങ്ക്, കന്നഡ,ഹിന്ദി ഭാഷകളിലും ചിത്രം എത്തിക്കാനാണ് അണിയറപ്രവര്‍ത്തകരുടെ ഉദ്ദേശം