സൗത്ത് ഇന്ത്യന്‍ മാസ് സ്റ്റൈലില്‍ കിങ് ഖാന്; ജവാന്‍ ട്രെയ്‌ലര്‍
എന്റര്‍ടെയിന്‍മെന്റ് ഡെസ്‌ക്
Thursday, 31st August 2023, 1:01 pm
ഷാരൂഖ് ഖാന് ചിത്രം ജവാന്റെ ട്രെയ്‌ലര്‍ പുറത്ത്. തമിഴ്, ഹിന്ദി, തെലുങ്ക് ഭാഷകളില്‍ പുറത്തുവന്ന ട്രെയ്‌ലറില്‍ ഷാരൂഖ് ഖാന് പുറമേ നയന്‍താര, ദീപിക പദുക്കോണ്‍, വിജയ് സേതുപതി, പ്രിയാമണി, യോഗി ബാബു എന്നിങ്ങനെ വലിയ താരനിര തന്നെയുണ്ട്.
ഒരു ട്രെയ്ന്‍ ഹൈജാക്കിലൂടെയാണ് ട്രെയ്‌ലര്‍ ആരംഭിക്കുന്നത്. അച്ഛനായും മകനായും ഡബിള്‍ റോളിലാണ് ഷാരൂഖ് ചിത്രത്തിലെത്തുന്നത് എന്നാണ് ട്രെയ്‌ലര്‍ നല്‍കുന്ന സൂചന. ഷാരൂഖിന്റെ പല ഗെറ്റപ്പുകളും ട്രെയ്‌ലറില്‍ കാണാനാവും. അച്ഛനായ ഷാരൂഖിന്റെ നായികയായിട്ടായിരിക്കും ദീപിക എത്തുന്നത്. പൊലീസ് ഉദ്യോഗസ്ഥയുടെ വേഷമാണ് നയന്‍താര അവതരിപ്പിക്കുന്നത്. വില്ലനായ വിജയ് സേതുപതിയേയും രണ്ട് ഗെറ്റപ്പില്‍ ചിത്രത്തില്‍ കാണുന്നുണ്ട്.
