ജവാനില്‍ ഞെട്ടിക്കാന്‍ ഈ താരങ്ങളും, പ്രതീക്ഷിക്കാത്ത വരവെന്ന് ആരാധകര്‍
എന്റര്‍ടെയിന്‍മെന്റ് ഡെസ്‌ക്
Tuesday, 21st March 2023, 10:14 am
പത്താന്‍ എട്ടാം ആഴ്ചയിലും മികച്ചകളക്ഷനോടെ മുന്നേറുമ്പോള്‍ ഷാരൂഖ് ഖാന്‍ ഇപ്പോള്‍ തന്റെ അടുത്ത ചിത്രമായ ജവാന്‍ എന്ന സിനിമയുടെ ചിത്രീകരണത്തിലാണ്. അറ്റ്ലി സംവിധാനം ചെയ്യുന്ന ചിത്രം ഇപ്പോള്‍ അവസാന ഘട്ട ചിത്രീകരണത്തിലാണ്.
ചിത്രത്തിന്റെ ഫസ്റ്റ് ലുക്കെല്ലാം ആരാധകര്‍ക്ക് ഏറെ പ്രതീക്ഷ നല്‍കിയ ഒന്നായിരുന്നു. എന്നാല്‍ ചിത്രത്തെക്കുറിച്ചുള്ള പ്രതീക്ഷ ഉയര്‍ത്താന്‍ ഇപ്പോള്‍ പുതിയ കാരണങ്ങളുണ്ട്. ജവാന്റെ കാസ്റ്റിങ് വിവരങ്ങളാണ് പുറത്ത് വന്നിരിക്കുന്നത്.
ജവാന്റെ വളരെ പ്രധാനപ്പെട്ട ആക്ഷന്‍ രംഗത്തില്‍ സഞ്ജയ് ദത്ത് എത്തുന്നുണ്ട്. മുംബൈയിലെ ഒരു സ്റ്റുഡിയോയിലാണ് ചിത്രീകരണം നടക്കുന്നത്. പിങ്ക് വില്ലയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. സിനിമയിലെ സുപ്രധാന ഭാഗമാണ് ഇതെന്നും റിപ്പോര്‍ട്ടുകളുണ്ട്.
