കൊച്ചി: മലയാളികളുടെ പ്രിയ സംഗീത സംവിധായകന്‍ ജാസി ഗിഫ്റ്റ് സംഗീത സംവിധാനം ചെയ്ത് പുറത്തിറങ്ങിയ ഷോര്‍ട്ട് ഫിലിം സീ ലാ വി വൈറലാവുന്നു.
ഖത്തറിലെ ആരോഗ്യ മേഖലയില്‍ പ്രവര്‍ത്തിക്കുന്ന ഒരു കൂട്ടം മലയാളികളുടെ കൂട്ടായ്മയില്‍ ഒരുങ്ങിയ ഷോര്‍ട് ഫിലിം ഇതിനോടകം നിരവധി പേരാണ് കണ്ടിരിക്കുന്നത്.
പരിമിതമായ സാഹചര്യങ്ങളിലും തുടക്കക്കാര്‍ എന്ന അപാകതകളില്ലാതെ ഒരു സിനിമയുടെ നിലവാരത്തില്‍ തന്നെയാണ് സീ ലാ വി അണിയറ പ്രവര്‍ത്തകര്‍ ഒരുക്കിയിരിക്കുന്നത്.
ഖത്തറിലെ ഒരു കമ്പനിയില്‍ ജോലി ചെയ്യുന്ന മലയാളി യുവാവിന്റെ ജീവിതത്തില്‍ ഉണ്ടാവുന്ന ചില സംഭവങ്ങളും അതിനെ ചുറ്റിപ്പറ്റി നടക്കുന്ന കാര്യങ്ങളും അടിസ്ഥാനമാക്കിയാണ് ഷോര്‍ട് ഫിലിം ഒരുങ്ങിയിരിക്കുന്നത്.
PETRA ഗ്രൂപ്പിന്റെ ബാനറില്‍ ഷാഫി പെട്രയും അനസ് മുണ്ടോയും ചേര്‍ന്നു നിര്‍മിച്ചു നവാഗതനായ സബീഹ് അബ്ദുല്‍ കരീം സംവിധാനം ചെയ്ത സീ ലാ വി എന്ന ചിത്രം മനോരമ മ്യൂസിക് യൂട്യൂബ് ചാനലിലൂടെയാണ് റിലീസ് ചെയ്തിരിക്കുന്നത്.
മോഡല്‍ രംഗത്തും ടിക് ടോകിലും നാടക രംഗത്തിലൂടെയുമെല്ലാം പ്രശ്‌സതരായ നടന്മാരാണ് ചിത്രത്തില്‍ പ്രധാന വേഷങ്ങളില്‍ എത്തിയിരിക്കുന്നത്. പൂര്‍ണമായും ഖത്തറില്‍ തന്നെ ചിത്രീകരിച്ചിരിക്കുന്ന ചിത്രത്തില്‍ ജാസി ഗിഫ്റ്റ് സംഗീത സംവിധാനം നിര്‍വഹിച്ച് പാടിയ റാപ് സോംഗും ഉള്‍പ്പെടുത്തിയിട്ടുണ്ട്.
മലയാളത്തിന് പുറമെ ചിത്രം മറ്റു ഭാഷകളിലേക്കും കൂടെ ഇറക്കാന്‍ തയ്യാറെടുക്കുകയാണ് അണിയറപ്രവര്‍ത്തകര്‍.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlights: Jassie Gift has done music for Short film by Qatari Malayalees with ; C’est La Vie goes viral