ജൊഹന്നാസ്ബര്‍ഗ്: ജസ്പ്രീത് ബുംറ മികച്ച ബൗളറാണെന്നത് ആര്‍ക്കും ശങ്കയില്ലാത്ത കാര്യമാണ്. എന്നാല്‍ കഴിഞ്ഞ ദിവസം നടന്ന മത്സരത്തില്‍ ബുംറ തിളങ്ങിയത് ബൗളിംഗില്‍ മാത്രമായിരുന്നു. തന്റെ അസാമാന്യ ഫീല്‍ഡിംഗും അക്രോബാറ്റിക് സ്‌കില്ലും കാഴ്ച്ചവെച്ചാണ് കഴിഞ്ഞ ദിവസത്തെ താരമായത്.
ദക്ഷിണാഫ്രിക്കന്‍ ബാറ്റ്‌സ്മാന്‍ ഡേവിഡ് മില്ലറെ പുറത്താക്കാനായി ബൗണ്ടറി ലൈനിനരികില്‍ വച്ച് ബുംറയെടുത്ത ക്യാച്ച് കയ്യടി ഏറ്റുവാങ്ങുന്നതായിരുന്നു. ബൗണ്ടറി ലൈനിന് തൊട്ടരികില്‍ വച്ചായിരുന്നു സൂപ്പര്‍മാനെ പോലെ ബുംറ പറന്നുയര്‍ന്ന് പന്ത് കൈപ്പിടിയിലൊതുക്കിയത്.
പക്ഷെ നിര്‍ഭാഗ്യമെന്നു പറയാം, ക്യാച്ചെടുക്കുന്നതിനിടെ ബുംറ ബൗണ്ടറി ലൈനില്‍ ചവുട്ടിയിരുന്നു. റിപ്ലേകളില്‍ നിന്നും ഇത് വ്യക്തമായതോടെ പോയ ജീവന്‍ മില്ലര്‍ക്ക് തിരികെ ലഭിക്കുകയായിരുന്നു.
മത്സരത്തില്‍ 28 റണ്‍സിനാണ് ഇന്ത്യ ദക്ഷിണാഫ്രിക്കയെ പരാജയപെടുത്തിയത്. ബുധനാഴ്ചയാണ് ടി-20 പരമ്പരയിലെ അടുത്ത മത്സരം നടക്കുന്നത്. നേരത്തെ സ്പിന്നര്‍ യുസ്വേന്ദ്ര ചാഹല്‍ ഇന്ത്യയ്ക്കായി അഞ്ച് വിക്കറ്റ് നേട്ടം സ്വന്തമാക്കിയിട്ടുണ്ട്.
വീഡിയോ കാണാം
Brilliant effort by Bumrah. pic.twitter.com/xRNbE5koh0
— Alauddin Khilji (@AlauddinKhilj10) February 18, 2018