സ്‌ക്രീനില്‍ ഇനി ഭക്ഷണം രുചിക്കാം; വ്യത്യസ്ത സ്മാര്‍ട് ടി.വി. സ്‌ക്രീന്‍ വികസിപ്പിച്ച് ജാപ്പനീസ് പ്രൊഫസര്‍
ഡൂള്‍ന്യൂസ് ഡെസ്‌ക്
Thursday, 23rd December 2021, 2:26 pm
ടോക്യൊ: ഭക്ഷണത്തിന്റെ രുചി ഇമിറ്റേറ്റ് ചെയ്യാന്‍ പറ്റുന്ന പ്രോട്ടോടൈപ്പ് ടി.വി. സ്‌ക്രീന്‍ വികസിപ്പിച്ച് ജപ്പാനില്‍ നിന്നുള്ള പ്രൊഫസര്‍.
ഭക്ഷണത്തിന്റെ രുചി കൃത്രിമമായി അനുകരിക്കാന്‍ കഴിയുന്ന ഈ സ്‌ക്രീന്‍ മള്‍ട്ടി-സെന്‍സറിംഹ് വ്യൂയിങ് എക്‌സ്പീരിയന്‍സ് (Multi-Sensory Viewing Experience) എന്ന പുതിയകാല ദൃശ്യാനുഭവത്തിലേക്കുള്ള ഏറ്റവും പുതിയ ചുവടായാണ് ഈ കണ്ടുപിടിത്തത്തെ റിപ്പോര്‍ട്ടുകള്‍ വിശേഷിപ്പിക്കുന്നത്.
‘ടേസ്റ്റ് ദ ടി.വി’ (‘ടി.ടി.ടി.വി) എന്നാണ് ഈ ഉപകരണത്തിന് പേരിട്ടിരിക്കുന്നത്. 10 വ്യത്യസ്ത ഫ്‌ളേവറുകളിലുള്ള കാനിസ്റ്ററുകളുപയോഗിച്ച് സ്‌പ്രേ ചെയ്താണ് ഒരു പ്രത്യേക ഭക്ഷണപദാര്‍ത്ഥത്തിന്റെ രുചി സൃഷ്ടിക്കുന്നത്.
