വാക്‌സിനുള്ളില്‍ മറ്റു പദാര്‍ത്ഥങ്ങള്‍; ഒരു മില്യണിലധികം വാക്‌സിനുകള്‍ തിരിച്ചു വിളിച്ച് ജപ്പാന്‍
ഡൂള്‍ന്യൂസ് ഡെസ്‌ക്
Monday, 30th August 2021, 3:32 pm
ടോകിയോ: വാക്‌സിനില്‍ അന്യ പദാര്‍ത്ഥങ്ങള്‍ കണ്ടെത്തിയതിനെ തുടര്‍ന്ന് ഒരു മില്യണിലധികം ഡോസ് വാക്‌സിനുകള്‍ വീണ്ടും തിരിച്ചു വിളിച്ച് ജപ്പാന്‍. മൊഡേണ കൊവിഡ് വാക്‌സിനിലാണ് സംശയാസ്പദമായ രീതിയിലുള്ള പദാര്‍ത്ഥങ്ങള്‍ കണ്ടെത്തിയത്.
ജപ്പാനിലെ ഗുന്‍മ പ്രവിശ്യയിലും ഒക്കിനാവയില്‍ നിന്നുമാണ് വാക്‌സിന്‍ കണ്ടാമിനേഷനെ കുറിച്ചുള്ള പുതിയ വാര്‍ത്തകള്‍ പുറത്തു വരുന്നത്. ഇതിനോടകം തന്നെ 1.63 മില്യണ്‍ ഡോസ് വാക്‌സിനുകള്‍ കഴിഞ്ഞ ആഴ്ചകളിലായി ജപ്പാന്‍ പിന്‍വലിച്ചിട്ടുണ്ട്..
ഗുന്‍മ പ്രവിശ്യയില്‍ വിതരണം ചെയ്ത വാക്‌സിന്‍ ബോട്ടിലിനുള്ളില്‍ ചെറിയ കറുത്ത പദാര്‍ത്ഥങ്ങളാണ് കണ്ടത്തെിയത്. ഒക്കിനാവയില്‍ സിറിഞ്ചിനുള്ളിലും ബോട്ടിലുകള്‍ക്കുള്ളില്‍ നിന്നും കറുപ്പ്, പിങ്ക് നിറമുള്ള പദാര്‍ത്ഥങ്ങള്‍ കലര്‍ന്നതായുമാണ് റിപ്പോര്‍ട്ട്.
