'കുമ്മനം വീട്ടിലെത്തി പോകും മുമ്പ് ഒരു ഷാള്‍ അണിയിച്ച് ഫോട്ടോ എടുത്തു'; ലീഗ് മുന്‍ എം.എല്‍.എയുടെ മകന്‍ ബി.ജെ.പിയില് എന്ന് വ്യാജ വാര്‍ത്ത; നിയമ നടപടിക്കൊരുങ്ങി കുടുംബം
ഡൂള്‍ന്യൂസ് ഡെസ്‌ക്
Tuesday, 30th March 2021, 9:49 pm
തിരുവനന്തപുരം: മുസ്‌ലിം ലീഗ് മുന്‍ എം.എല്‍.എയുടെ മകന്‍ ബി.ജെ.പിയില് ചേര്‍ന്നെന്ന ജന്മഭൂമി വാര്‍ത്തയ്ക്ക് എതിരെ നിയമ നടപടി സ്വീകരിക്കാനൊരുങ്ങി മുസ്‌ലിം ലീഗ് മുന്‍ എം.എല്‍.എ പി.എ.പി മുഹമ്മദ് കണ്ണിന്റെ കുടുംബം.
കഴിഞ്ഞ ദിവസമാണ് ലീഗ് മുന്‍ എം.എല്‍.എ പി.എ.പി മുഹമ്മദ് കണ്ണിന്റെ മകന്‍ ഹബീബ് റഹ്മാന്‍ ബി.ജെ.പിയില് ചേര്‍ന്നെന്ന് ജന്മഭൂമി പത്രത്തില്‍ വാര്‍ത്ത വന്നത്. ഹബീബ് റഹ്മാന്‍ കുമ്മനത്തിനൊപ്പം നില്‍ക്കുന്ന ചിത്രവും പത്രത്തില്‍ നല്‍കിയിരുന്നു.
എന്നാല്‍ തെരഞ്ഞെടുപ്പ് പ്രചാരണത്തിന് കുമ്മനം രാജശേഖരന്‍ വീട്ടിലെത്തിയപ്പോള്‍ എടുത്ത ചിത്രമാണിതെന്നും ഇതാണ് വ്യാജ പ്രചരണത്തിന് ഉപയോഗിച്ചതെന്നും ഹബീബിന്റെ കുടുംബം പറഞ്ഞു.
