റിലീസിന് തൊട്ടുമുമ്പ് പ്രമോ; പുതിയ ട്രെയ്‌ലറില്‍ ശ്രീവിദ്യയും
എന്റര്‍ടെയിന്‍മെന്റ് ഡെസ്‌ക്
Wednesday, 27th April 2022, 10:19 pm
പൃഥ്വിരാജ്, സുരാജ് വെഞ്ഞാറമൂട് എന്നിവരെ കേന്ദ്രകഥാപാത്രങ്ങളാക്കി ഡിജോ ജോസ് ആന്‍ണി സംവിധാനം ചെയ്യുന്ന ജന ഗണ മനയുടെ പ്രമോ ടീസര്‍ പുറത്ത്. ഏപ്രില്‍ 28 ന് റിലീസ് ചെയ്യുന്നതിന് മുന്നോടിയായുള്ള പ്രമോയാണ് പുറത്ത് വിട്ടിരിക്കുന്നത്.
പൃഥ്വിരാജിനെ അറസ്റ്റ് ചെയ്തുകതൊണ്ട് പോകുന്നതുള്‍പ്പെടെയുള്ള രംഗങ്ങളാണ് പ്രമോയില്‍ കാണിക്കുന്നത്. ഇതുവരെ പുറത്ത് വന്ന ട്രെയ്‌ലറിലും ടീസറിലും ഇല്ലാതിരുന്ന നടി ശ്രീദിവ്യയെ ഈ ടീസറില്‍ ഉള്‍പ്പെടുത്തിയിട്ടുണ്ട്.
പ്രേക്ഷകര്‍ ഏറെ ആകാംഷയോടെ കാത്തിരിക്കുന്ന ചിത്രമാണ് ജന ഗണ മന. ടീസര്‍ പുറത്തിറങ്ങിയപ്പോല്‍ മുതല്‍ ചിത്രത്തിന്മേല്‍ വലിയ പ്രതീക്ഷയാണ് പ്രേക്ഷകര്‍ക്ക് ഉള്ളത്. ചിത്രത്തിന്റെ രണ്ടാം ഭാഗത്തിലെ രംഗങ്ങള്‍ ഉള്‍ക്കൊള്ളിച്ചുകൊണ്ട് ടീസറും ട്രെയ്‌ലറും ഇറക്കിയ വ്യത്യസ്ത ശൈലിയും ജന ഗണ മനയ്ക്കുണ്ട്.
