പ്രഹരം തുടരെ ജന ഗണ മന; ബംഗാളിയുടെയും മലയാളത്തിന്റെയും സമന്വയമായി ജന ഗണ മന ആന്തം
എന്റര്‍ടെയിന്‍മെന്റ് ഡെസ്‌ക്
Saturday, 23rd April 2022, 9:18 pm
പൃഥിരാജും സുരാജ് വെഞ്ഞാറമൂടും കേന്ദ്രകഥാപാത്രങ്ങളായെതുന്ന പുതിയ ചിത്രം ജന ഗണ മനയിലെ ആന്തം പുറത്ത്. മാജിക് ഫ്രെയിംസിന്റെ യൂട്യൂബ് ചാനലിലൂടെയായിരുന്നു ഗാനം പുറത്തിറക്കിയത്.
ബംഗാളിയിലും മലയാളത്തിലുമായി വരികളുമായാണ് ജേക്‌സ് ബിജോയ് ആന്തമൊരുക്കിയിരിക്കുന്നത്. ശങ്കര്‍ മഹാദേവനും ജേക്‌സ് ബിജോയിയും ശതദ്രു കബീറും ചേര്‍ന്നാണ് ഗാനം ആലപിച്ചിരിക്കുന്നത്.
ആന്തത്തിന്റെ മലയാള വരികളെഴുതിയിരിക്കുന്നത് ജോ പോളും ബംഗാളി വരികളെഴുതിയിരിക്കുന്നത് റഖീബ് ആലവുമാണ്.
ചിത്രത്തിന്റെ ഷൂട്ടിംഗ് സീനുകളാണ് പാട്ടിന് വിഷ്വലായി ചേര്‍ത്തിരിക്കുന്നത്. മികച്ച പ്രതികരണമാണ് ആന്തത്തിന് ലഭിച്ചുകൊണ്ടിരിക്കുന്നത്.
