പുതിയ തലമുറയിലെ അഭിനേതാക്കളെ ശ്രദ്ധിക്കാറുണ്ടെന്നും പുതിയ സിനിമകള്‍ കാണാറുണ്ടെന്നും പറയുകയാണ് നടി ജലജ. 2014ലും 2018ലും സംസ്ഥാന സിനിമാ പുരസ്‌കാര നിര്‍ണയ ജൂറിയില്‍ അംഗമായപ്പോള്‍ ഉണ്ടായ അനുഭവത്തെക്കുറിച്ചും ഗൃഹലക്ഷ്മിക്ക് നല്‍കിയ അഭിമുഖത്തില്‍ ജലജ പറയുന്നു.
‘എല്ലാ സിനിമകളും കാണാന്‍ ശ്രമിക്കാറുണ്ടായിരുന്നു. 2014ലും 2018ലും സംസ്ഥാന സിനിമാ പുരസ്‌കാര നിര്‍ണയ ജൂറിയില്‍ അംഗമാവുകയും ചെയ്തു. പുതിയ കുട്ടികളെല്ലാം നല്ല കഴിവുള്ളവരാണ്.
ജൂറിയില്‍ അംഗമായിരുന്നപ്പോള്‍ ഫഹദിന്റെയും പുതിയ തലമുറയിലെ അഭിനേതാക്കളുടെയും അഭിനയം വിശദമായി കാണാന്‍ പറ്റി. വൈഡ് റേഞ്ചിലുള്ള കഥാപാത്രങ്ങള്‍ ചെയ്യാന്‍ പറ്റിയ ആളാണ് ഫഹദ്. വില്ലനാണെങ്കിലും ഏത് കഥാപാത്രമാണെങ്കിലും ചെയ്യാന്‍ താത്പര്യമുള്ളയാളാണ്,’ ജലജ പറഞ്ഞു.
നാട്ടില്‍ വരുമ്പോള്‍ സിനിമയിലുള്ള സുഹൃത്തുക്കളെ പോയി കാണാറുണ്ടെന്നും സുരേഷ് ഗോപി, ഭാര്യ രാധിക, മേനക, സുരേഷ്‌കുമാര്‍, മണിയന്‍പിള്ള രാജു, കാര്‍ത്തിക, കൃഷ്ണചന്ദ്രന്‍, വനിത എന്നിവരാണ് സിനിമയില്‍ നിന്നുള്ള സുഹൃത്തുക്കളെന്നും ജലജ പറയുന്നു.
