യുവമനസ്സുകളില്‍ തരംഗമായി മാറിയ ഹിറ്റ് ഗാനമാണ് സൂര്യയുടെ താനെ സേര്‍ന്ത കൂട്ടത്തിലെ സൊടക്ക് മേലേ സൊടക്ക് പോടത് എന്ന ഗാനം. തമിഴ്‌നാട്ടില്‍ മാത്രമല്ല കേരളത്തിലും സൂര്യയുടെ ആരാധകര്‍ നെഞ്ചോട് ചേര്‍ത്ത ഗാനമാണിത്.
ഇപ്പോള്‍ ഈ ഗാനം പാടി സോഷ്യല്‍ മീഡിയയില്‍ മറ്റൊരു തരംഗം സൃ്ഷ്ടിച്ചിരിക്കുകയാണ് മലയാളി താരം ജഗദീഷ്. ഹിറ്റ് ഗാനം കോമഡി സ്റ്റാര്‍സില്‍ ജഗദീഷ് പാടിയത് കേട്ട് മലയാളികള്‍ വാപൊളിച്ചിരിക്കയാണ്.
പാട്ടിന് ട്രോളുകളുടെ പെരുമഴ തീര്‍ത്ത് സോഷ്യല്‍ മീഡിയയില്‍ ട്രോളര്‍മാരും രംഗത്തെത്തിയിരിക്കുകയാണ്.
ജഗദീഷിന്റെ ഗാനത്തിന്റെ ട്രോള്‍ വീഡിയോ സമൂഹമാധ്യമങ്ങളില്‍ കണ്ട് മലയാളികള്‍ ഒന്നടങ്കം ചിരിക്കുകയാണിപ്പോള്‍. വീഡിയോയില്‍ തന്റെ പാട്ട് കണ്ട് കരയുന്ന സൂര്യയുടെ ഒരു രംഗവും ഉണ്ട്. യുട്യൂബില്‍ പോസ്റ്റ് ചെയ്ത വീഡിയോ ഇതിനോടകം ഒരുലക്ഷത്തിലധികം പേരാണ് കണ്ടുകഴിഞ്ഞത്.
അനിരുദ്ധ് രവിചന്ദര്‍ സംഗീതം നല്‍കിയ ഈ ഗാനമാലപിച്ചിരിക്കുന്നത് ആന്റണി ദാസാണ്.